Ngeche 13:3 - Motingʼo Loko Manyien

³ Ngʼatno morito dhoge orito ngimane, to ngʼatno ma wuoyo karodho wach biro dhiyo e kethruok.

MUMA MALER 2015

³ Ng’at marito dhoge reso ngimane, to ng’at ma rodho wach arodha tiekore kende owuon.

Ngeche 13:3 ပူးပေါင်းရင်းမြစ်များ

Zaburi 141:3

Yaye Jehova Nyasaye, ket jarit e dhoga; ketna jarit mondo okonya umo dhoga.

Zaburi 34:13

nyaka ogengʼ lewe kik wuo marach kendo ogengʼ dhoge kuom wacho miriambo.

Zaburi 39:1

Ne awacho niya, “Abiro ritora e yorena, kendo abiro rito lewa kik wach richo; abiro tweyo dhoga gi tol kinde duto ma joma timbegi richo ni buta.”

Ngeche 10:14

Joma riek okano ngʼeyo, to dho joma ofuwo kelo kethruok.

Ngeche 10:19

Ka weche ngʼeny, to richo ok nyal bare ma ok obetie, to ngʼat marito lewe oriek.

Ngeche 10:8

Ngʼat mariek e chunye rwako chike, to ngʼat mofuwo ma wachne ngʼeny dhi e kethruok.

Ngeche 12:13

Ngʼat marach imako mana gi wuoyone maricho, to ngʼat makare tony ne chandruok.

Ngeche 13:4

Jasamuoyo dwaro gimoro gi chunye duto to ok oyud gimoro, to jakinda yudo gik moko duto modwaro.

Ngeche 14:3

Wuoyo mar ngʼama ofuwo kelone mana goch e ngʼeye, to dho jomariek bedonegi ragengʼ.

Ngeche 18:21

Lep nigi teko mar ngima kod tho, to jogo mohere biro chamo olembe.

Ngeche 18:7

Dho ngʼat mofuwo ema tieke, to lewe ema bedo obadho ne ngimane.

Ngeche 20:19

Fuongʼo wach ketho genruok; omiyo tangʼ ni ngʼato ma wuoyo mathoth.

Ngeche 21:23

Ngʼatno marito dhoge kod lewe ritore kuom masiche.

Jakobo 1:26

Ka ngʼato angʼata okawore ni en jalemo, to ok orito lewe motegno to owuondore kende, kendo lemone onge tiende.

Jong’ad Bura 16:11

Nowachone niya, “Ka ngʼato otweya moridore gi tonde manyien mapok otiyo, to abiro bedo manyap machal gi ngʼato angʼata.”

Jong’ad Bura 16:17

Omiyo nohulone gik moko duto kowachone niya, “Onge wembe mosekadho e wiya nikech asebedo ja-Nazir ma Nyasaye nowalo nyaka aa nywolna. Ka yie wiya oliel, to tekra biro rumo, kendo abiro bedo manyap machal gi ngʼato angʼata.”