Ngeche 13:19 - Motingʼo Loko Manyien

¹⁹ Geno mochopi en gima mit ne chuny, to joma ofuwo ok dwar aa e richo.

MUMA MALER 2015

¹⁹ En gima ber manade yudo gima idwaro! Joma ofuwo otamore weyo richo.

Ngeche 13:19 ပူးပေါင်းရင်းမြစ်များ

1 Ruodhi 1:48

kowacho ni, ‘Pak obed ne Jehova Nyasaye, ma Nyasach Israel mosemiyo wangʼa oneno ngʼama okawo lochna kawuono.’ ”

Ayub 28:28

Kendo nowachone dhano ni, ‘Luoro Ruoth Nyasaye kelo rieko, kendo ka idwaro bedo gi ngʼeyo to nyaka iwe richo!’ ”

Zaburi 34:14

Lokri iwe timbe maricho kendo itim tim maber; many kwe kendo iluwe.

Zaburi 37:27

Lokri iwe timo marach mondo itim maber; eka inidag e piny nyaka chiengʼ.

Ngeche 13:12

Gima igeno mobudho miyo chuny bedo matuo, to gima igeno motimore en yath mar ngima.

Ngeche 13:18

Ngʼat modagi siem nwangʼo dhier kod wichkuot, to ngʼato angʼata mawinjo kikwere to yudo duongʼ.

Ngeche 13:20

Ngʼat mawuotho gi ngʼama riek bedo mariek, to osiep joma ofuwo hinyore.

Ngeche 16:17

Yor ngʼat moriere tir kwedore gi richo; ngʼat manono yorene orito ngimane!

Ngeche 16:6

Nikech hera kod adiera ema omiyo richo otimne misango, kuom luoro Jehova Nyasaye miyo ngʼato kwedo richo.

Ngeche 29:10

Joma ohero chwero remo mon kod jogo modimbore, kendo gidwaro yo mar nego joma jo-ratiro.

Ngeche 29:27

Joma kare mon gi joma ok jo-adiera, to joricho mon gi joma oriere tir.

Ngeche 3:7

Kik ibed mariek e pachi iwuon to luor Jehova Nyasaye eka inilo richo.

Wer Mamit 3:4

Gikanyono, kane pok asudo mabor kodgi, ne ayudo ngʼat ma chunya ohero. Ne amake matek, kendo ne adagi weye thuolo mondo odhi mine akele nyaka e od minwa, kama ne onywolae.

2 Timotheo 2:19

Kata kamano mise mongirore mar Nyasaye ochungʼ motegno kendo ondikie ndiko ma ok ruchre mawacho niya, “Ruoth ongʼeyo joge,” kendo niya, “Ngʼato ka ngʼato maluongo nying Ruoth nyaka pogre gi timbe maricho.”