Ngeche 12:6 - Motingʼo Loko Manyien

⁶ Weche mag joricho opondo karito chwero remo, to wach mar joma kare resogi.

MUMA MALER 2015

⁶ Weche joricho oting’o mana tho lilo. Weche joma kare to reso joma nie chandruok.

Ngeche 12:6 ပူးပေါင်းရင်းမြစ်များ

Ngeche 12:5

Chenro mar ngʼat makare nikare, to puonj mar joricho en wuondruok.

Ngeche 14:3

Wuoyo mar ngʼama ofuwo kelone mana goch e ngʼeye, to dho jomariek bedonegi ragengʼ.

Isaya 59:7

Tiendegi reto kadhi timo richo; giyot ahinya mondo gichwer remo maonge ketho. Paro manie chunygi gin paro maricho kendo kamoro amora ma gidhiyoe; masira gi chandruok ema dongʼie.

Jeremia 5:26

“E dier joga nitiere joma timbegi mono ma buto ka jogo machiko winy, kendo kaka jogo maketo obadho mar mako ji.

Tich Joote 23:12

Kinyne gokinyi jo-Yahudi nowuoyo e kindgi giwegi ka gikwongʼore ni ok ginichiem kata madho gimoro amora kapok ginego Paulo.

Tich Joote 23:15

Kuom mano, un kod jobuch Sanhedrin kwauru jatend jolweny maduongʼ mondo okelnugo e nyimu, ka uwuondoru ni udwaro medo nono wachne maber. Waikore mar nege kapok ochopo ka.”

Tich Joote 25:3

Ne gitemo saye mondo otimnegi ngʼwono owe Paulo odogi Jerusalem nikech negichano butone mondo ginege gie yo kodhi.