Ngeche 12:5 - Motingʼo Loko Manyien

⁵ Chenro mar ngʼat makare nikare, to puonj mar joricho en wuondruok.

MUMA MALER 2015

⁵ Joma kare pile timo ni jowadgi maber. Joricho to wuondo jowadgi awuonda.

Ngeche 12:5 ပူးပေါင်းရင်းမြစ်များ

Zaburi 119:15

Abiro paro matut kuom chikeni kendo abiro tego wengena e yoreni.

Zaburi 139:23

Nona, yaye Jehova Nyasaye, mondo ingʼe chunya; tema, mondo ingʼe pacha.

Ngeche 11:23

Dwaro mar joma kare gik mana e ber kende, to geno mar joricho gik mana e mirima.

Ngeche 12:4

Dhako ma kite longʼo en osimbo mar chwore, to dhako ma timbene richo chalo gi nyamuoda manie choke.

Ngeche 12:6

Weche mag joricho opondo karito chwero remo, to wach mar joma kare resogi.

Ngeche 14:8

Rieko mar jorieko en bedo gi paro ne yoregi, to fup joma ofuwo en wuondruok.

Ngeche 24:9

Andhoga mar fuwo en richo, to ji mon kod ja-jar ji.

Isaya 55:7

Ngʼama timbene achach mondo owe yorene, kendo ngʼama parone opongʼ gi timbe richo mondo owe. Onego oduog ir Jehova Nyasaye, kendo enobed gi ngʼwono kuome mi enowene richone.

Jeremia 4:14

Yaye Jerusalem, luok timbe mamono manie chunyu mondo iresri. Nyaka karangʼo mi ibiro kano timbe richo e pachi?

Jeremia 9:3

“Giketo lewgi moikore ka atungʼ, mondo gidirgo miriambo; to dhigi maber e piny ok nikech giwacho adiera. Gitimo richo bangʼ moro ka moro; ok gidewa.” Jehova Nyasaye ema owacho.

Jeremia 9:5

Osiep wuondo osiep, kendo onge ngʼama wacho adiera. Gisepuonjo lewgi wacho miriambo; kendo gisedonjo matut e richo ma ok ginyal wuokie.

Mathayo 2:16

Ka Herode nofwenyo ni Ajuokego nosewuonde, iye nowangʼ matek, kendo nogolo chik mondo onegi nyithindo ma yawuowi duto modak Bethlehem gi mier molwore, mane hikgi ariyo kadok chien, kaluwore gi sa mane Ajuokego onyise.

Mathayo 26:4

kendo negichano mondo gimak Yesu e yo moro malingʼ-lingʼ mondo ginege.

1 Jo-Korintho 4:5

Kuom mano kik ungʼad bura kapok kinde ochopo, to rituru biro mar Ruoth. En owuon noel e lela gik masani opondo e mudho, kendo enonyis paro duto mopondo e chuny dhano. E kindeno ema ngʼato ka ngʼato noyud pak moa kuom Nyasaye.

2 Jo-Korintho 4:2

Wasekwedo timbe malingʼ-lingʼ mag miriambo makwodo wich, ok wakonyre gi wuond, bende ok wagaj wach Nyasaye, to wawuotho e ler mar adiera kendo wachiwore ni ji duto, mondo chunygi orwakwa e nyim Nyasaye.