Ngeche 12:18 - Motingʼo Loko Manyien

¹⁸ Weche mag muomruok chwoyo chuny mana kaka ligangla, to lew ngʼat mariek kelo ngima.

MUMA MALER 2015

¹⁸ Weche mimwomruokgo chuoyo chuny mana ka ligangla. Weche mawuok e dho ng’ama kare to kelo ngima.

Ngeche 12:18 ပူးပေါင်းရင်းမြစ်များ

Zaburi 52:2

Ichano timbe midwaro wuondogo ji, lewi bende chano gik modwaro hinyogo ji; kendo lewino chalo gi wembe mabith.

Zaburi 57:4

An e dier sibuoche; anindo e dier le mager mangemo, joma lekegi chalo tonge gi aserni, ma lewgi chalo ligangla mabitho.

Zaburi 57:5

Nyingi mondo otingʼ malo moyombo polo, yaye Nyasaye; mad duongʼ mari opongʼ piny duto.

Zaburi 59:7

Neye gik ma gingʼudho koa e dhogi, gingʼudho ligengni gi dhogi, kendo giwacho niya, “En ngʼa manyalo winjowa?”

Zaburi 64:3

Gipiago lewgi ka ligangla kendo gichimo wechegi ka asere motimo sum.

Ngeche 12:17

Janeno ma ja-adiera chiwo neno mobidhore, to janeno ma hango wach wacho miriambo.

Ngeche 13:17

Jaote marach donjo e chandruok, to jaote modimbore kelo konyruok.

Ngeche 15:4

Lep makelo ber en yath mar ngima, to lep mar miriambo omiyo chuny bedo mool.

Ngeche 15:7

Dho jomariek lando ngʼeyo, to ngʼat mofuwo to wechene obam.

Ngeche 16:24

Weche mag mor chalo gi mor kich gimit ne chuny kendo gikelo ngima ni choke.

Ngeche 25:18

Mana kaka arungu kata ligangla; kata asere mabith, e kaka ngʼatno machiwo neno ma ok adiera kuom ngʼat ma gidakgo machiegni.

Ngeche 4:22

nikech gikelo ngima ni jogo moyudogo kendo gin gi ngima maber ne ringre dhano duto.

Daniel 11:33

“Joma nigi rieko e kindeno nopuonj ji mangʼeny, kata obedo ni ginipodhi e dho ligangla kuom kinde matin; kendo nowangʼ-gi gi mach, kendo omakgi, kendo oyakgi,

Fweny 1:16

E lwete ma korachwich notingʼo sulwe abiriyo, bende ligangla mabith ma dhoge ariyo ne wuok e dhoge. Lela wangʼe ne rieny ka chiengʼ marieny mangʼangʼni.

Fweny 22:2

ne omol e dier yo maduongʼ mar dalano. To bath aora koni gi koni ne nitie yath mar ngima manyago olembe kido apar gariyo kendo ne onyago olembegego dwe ka dwe, bende ite yadhno ema ithiedhogo ogendini mag pinje.