Ngeche 12:1 - Motingʼo Loko Manyien

¹ Ngʼat mohero puonj mar rieko ohero ngʼeyo, to ngʼat ma ok winj puonj ofuwo.

MUMA MALER 2015

¹ Ng’at ma ohero rieko bedo mamor ka onyise gima rach ma osetimo, to ng’at motamore ni kik rieye chalo mana le.

Ngeche 12:1 ပူးပေါင်းရင်းမြစ်များ

Zaburi 119:27

Mi awinj tiend gik ma chikegi puonjo; eka abiro paro matut kuom timbegi miwuoro.

Zaburi 141:5

Onego ngʼat makare ema ogoya, nikech mano chalo tim ngʼwono motimona; onego en ema okwera, nikech mano chalo mo mool e wiya; ok anyal dagi mondo ngʼama kare otimna kamano. To kata kamano obiro kwedo timbe joma richo e lemona;

Zaburi 32:9

Kik ichal gi farese kata gi punda, maonge gi rieko, manyaka chiki mana ka otwe dhoge kendo iywayo gi kamba, nono to ok gibi buti.

Zaburi 50:17

Ere kaka dutim kamano to uchayo puonjna kendo udiro wechena katoku!

Zaburi 92:6

Ngʼama omingʼ ok nyal ngʼeyo, joma ofuwo ok winj tiend wachno,

Ngeche 10:8

Ngʼat mariek e chunye rwako chike, to ngʼat mofuwo ma wachne ngʼeny dhi e kethruok.

Ngeche 11:31

Ka joma kare yudo pokgi e piny, to joma ok oluoro Nyasaye gi joricho diyud mangʼeny maromo nadi!

Ngeche 12:2

Ngʼat maber yudo pwoch kuom Jehova Nyasaye, to Jehova Nyasaye kwero ngʼat ma timbene richo.

Ngeche 15:10

Kum malit orito ngʼat maweyo yo, ngʼat masin kikwere biro tho.

Ngeche 18:1

Ngʼat ma ok jahera dwaro mana gige ok owinj puonj moro amora.

Ngeche 30:2

Chutho afuwo ahinya ma ok awinjora bedo dhano; ok an kod ngʼeyo tiend wach mar dhano.

Ngeche 8:17

Ahero jogo mohera, to jogo ma manya yuda.

Ngeche 8:32

“Omiyo koro yawuota, winjauru; gin johawi jogo morito yorena.

Ngeche 8:36

To ngʼatno ma odaga hinyore kende owuon; jogo duto mamon koda ohero tho.”

Isaya 1:3

Rwath ongʼeyo wuon, kendo kanyna ongʼeyo kund wuon, to jo-Israel ok ongʼeya adier; joga awuon onge gi winjo.

Tim jo-Lawi 13:10

Jadolo nyaka none, kendo ka nitie kido marachar kama litni mi yier man kanyo olokore marachar, kendo kanyo onogo otimo adhola,

2 Jo-Thesalonika 2:10

kokonyore gi kit wuond maricho duto mondo owitgo joma lal. Jogo lal nikech negitamore hero adiera makelo warruok.