Ngeche 11:9 - Motingʼo Loko Manyien

⁹ Ngʼat ma ok ja-Nyasaye hinyo jabathe gi dhoge owuon, to rieko miyo ngʼat makare tony.

MUMA MALER 2015

⁹ Weche joma ok dew Nyasaye ketho ji, to rieko joma kare ema resogi.

Ngeche 11:9 ပူးပေါင်းရင်းမြစ်များ

1 Ruodhi 22:6

Omiyo ruodh Israel nochoko jonabi kanyakla maromo ji mia angʼwen, mopenjogi niya, “Bende anyalo dhi kedo gi jo-Ramoth Gilead, koso kik adhi?” Negidwoke niya “Dhiyo nikech Jehova Nyasaye nochiwe e lwet ruoth.”

Ayub 34:30

mondo kik gibed e bwo loch ngʼat mokia Nyasaye, kendo machiko ni ji obadho.

Ayub 8:13

Mano e gima timore ne joma oweyo Nyasaye; kamano e kaka geno mar joma okia Nyasaye rumo.

Zaburi 55:12

Ka dine ok obedo malichna ka dine ngʼat ma ok dwara ema ogarna, to dine apondone.

Ngeche 11:6

Tim makare mar joma kare resogi, to jogo ma ok jo-adiera imako gi gombogi maricho.

Ngeche 11:8

Ngʼat makare ireso kuom chandruok, to chandruok biro mana ni jaricho.

Ngeche 16:29

Ngʼat ma ja-mahundu wuondo jabute mi otere e yorno ma ok ber.

Mathayo 7:15

“Tangʼuru gi jonabi mag miriambo. Gibiro iru ka girwako lep rombe, to gin mana ondiegi mangemo gi eigi.

Mariko 13:14

“To ka uneno ‘gima kwero makelo kethruok’ kochungʼ kama ok onego obedie, to dwarore ni jasomo owinj tiend wachni maber, eka joma ni Judea oring odhi ewi gode.

Tich Joote 20:30

Kata mana e dieru ka, jomoko biro wuokie kendo gibiro puonjo weche mobam ma gichwogo kendgi giwegi mondo giywago jopuonjre irgi.

1 Johana 2:21

Omiyo koro andikonu ok nikech ukia adiera, to nikech ungʼeye, kendo nikech ungʼeyo ni onge miriambo mawuok e adiera.

1 Johana 2:27

Un to Roho mane Kristo omiyou osewirou, omiyo ok uchando ngʼat mapuonjou. To kaka Roho museyudono puonjou kuom gik moko duto, kendo dak ma Roho odak godo e iwu en adiera ma ok miriambo mana kaka osepuonjouno, sikuru kuome.