Ngeche 11:30 - Motingʼo Loko Manyien

³⁰ Olemb joma kare en yadh ngima, to ngʼatno ma reso chunje riek.

MUMA MALER 2015

³⁰ Tim makare kelo ngima maber. Timbe mahundu to kelo mana tho!

Ngeche 11:30 ပူးပေါင်းရင်းမြစ်များ

Zaburi 92:14

Kata hikgi oniangʼ to pod gininyag mana olemo, kendo ginisik ka ginyien kendo gingʼich,

Ngeche 12:12

Joricho dwaro gik moyaki mag jogo mamono, to tiend joma kare kelo mwandu.

Ngeche 14:25

Janeno ma ja-adiera reso ji e tho, to janeno ma hango wach en jawuond.

Ngeche 15:4

Lep makelo ber en yath mar ngima, to lep mar miriambo omiyo chuny bedo mool.

Ngeche 3:18

En yadh ngima ne jogo morwake; jogo mopadore kuome biro yudo gweth.

Daniel 12:3

Joma riek norieny ka ler mar polo, kendo jogo mane opuonjo ji mangʼeny mondo otim gik makare norieny ka sulwe nyaka chiengʼ.

Mathayo 4:19

Yesu nowachonegi niya, “Biuru uluwa, mondo kar ywayo rech to aketu ubed joywa ji.”

Johana 4:36

Kata mana sani ngʼat ma keyo ichulo pokne, kendo ochoko olembe mochiek ne ngima mochwere, mondo omi jachwoyo, kaachiel gi jakeyo, obed mamor kanyakla.

1 Jo-Thesalonika 2:19

Koso uparo ni gin ngʼa gini mwakwano kaka genowa gi morwa, kata kaka osimbo marwa ma wanasungrego e nyim Ruoth Yesu Kristo koduogo? Donge en un?

Jakobo 5:20

to ngʼeuru ni ngʼat modwoko jaricho mobayo yo oreso chunye kuom tho kendo omiyo owene richone mathoth.

Fweny 2:7

Ngʼat man-gi it mondo owinj gima Roho wacho ne kanisa. Ngʼat molocho to anami adiera mar chamo olemb yadh ngima manie puotho mar Nyasaye.