Ngeche 11:29 - Motingʼo Loko Manyien

²⁹ Ngʼatno makelo chandruok ni joge ok nonwangʼ gimoro, to ngʼat mofuwo nobed misumba ngʼat mariek.

MUMA MALER 2015

²⁹ Ng’at ma miyo joodgi chandruok ok noyud gimoro kata matin, kendo pile ng’at mofuwo bedo misumba ng’at mariek.

Ngeche 11:29 ပူးပေါင်းရင်းမြစ်များ

Chakruok 34:30

Eka Jakobo nowacho ne Simeon gi Lawi niya, “Usekelona chandruok maduongʼ ka umiya nying marach e kind jo-Kanaan kod jo-Perizi, ma weg pinyni. Wan ji manok, kendo kagiriworenwa mondo giked kodwa e lweny, to an kod oda ibiro tieka.”

Ngeche 14:19

Joricho kulore e nyim joma beyo, to jo-ajendeke e dhorangeye mag joma kare.

Ngeche 15:27

Ngʼat ma jawuoro kelo chandruok ne joode, to ngʼatno mamon gi asoya biro dak amingʼa.

Eklesiastes 5:16

Gima lit ahinya machielo en: Kaka dhano nobiro e pinyni, e kaka obiro wuok e pinyni, koro ere ohala moyudo, kuom tichne matek konyagore mana ne yamo?

Hosea 8:7

“Gichwoyo yamo to gikayo kalausi. Gin gi cham ma ok ket wiye; kendo ok onyal kelo mogo. To kane onyalo nyago cham, to jopinje mamoko dochame duto.

1 Samuel 25:17

Koro par ane wach kendo ne gima inyalo timo, nikech chandruok dhi biro ne ruodhwa gi joge duto. Nikech en ngʼat ma achach maonge ngʼama nyalo wuoyo kode.”

1 Samuel 25:3

Ne iluonge ni Nabal to chiege ne iluongo ni Abigael. Ne en dhako mariek kendo ne ojaber, to chwore ne ja-dhood Kaleb, ne en ngʼama koch, jagwondo kendo ma timbene richo.

1 Samuel 25:38

Bangʼ ndalo apar, eka Jehova Nyasaye nogoyo Nabal mi notho.