Ngeche 11:23 - Motingʼo Loko Manyien

²³ Dwaro mar joma kare gik mana e ber kende, to geno mar joricho gik mana e mirima.

MUMA MALER 2015

²³ Joma kare dwaro mana gik makelo gueth. Geno mar joricho to ok kony gimoro.

Ngeche 11:23 ပူးပေါင်းရင်းမြစ်များ

Zaburi 10:17

Yaye Jehova Nyasaye, in iwinjo kwayo mar joma chandore; ijiwogi, kendo ichiko iti ni ywakgi,

Zaburi 119:10

Amanyi gi chunya duto; omiyo kik iwe abar awe chikeni.

Zaburi 119:5

Yaye, mad ne bed ni yorena ogurore e luwo chikeni!

Zaburi 27:4

Gimoro achiel kende ema akwayo Jehova Nyasaye, ma e gima adwaro moloyo; ni mondo adag e od Jehova Nyasaye ndalo duto mag ngimana, mondo achom wangʼa kuom ber mar Jehova Nyasaye kendo amanye e hekalu mare.

Zaburi 37:4

Bed mamor kuom Jehova Nyasaye eka obiro miyi gik moko duto ma chunyi dwaro.

Ngeche 10:28

Geno mar joma kare en mor, to geno mar joricho nolal nono.

Ngeche 11:24

Ngʼato achiel miyo ji ma ok odewo, to bende pod mwandu medorene moloyo, to ngʼat machielo kungo mokadhore, to ochopo mana e chan.

Ngeche 11:7

Ka jaricho otho, to genone duto tho kode, gigo duto mane ogeno kuom tekone bedo nono.

Ngeche 12:5

Chenro mar ngʼat makare nikare, to puonj mar joricho en wuondruok.

Ngeche 13:2

Ngʼat makare yudo pok maber kaluwore gi gik mowacho, to ngʼatno ma ok ja-adiera nigi gombo mar miero.

Isaya 26:9

Chunya gombi gotieno kendo chunya dwari gokinyi. Ka buchi makare biro e piny, ogendini mag piny puonjore yo makare.

Jeremia 17:16

Pok aweyo bedo jakwath mari; ingʼeyo ni pok agombo odiechiengʼ mar thagruok. Gima wuok e dhoga ingʼeyo.

Mathayo 5:6

Ogwedh jogo makech kayo kendo riyo mar tim makare oloyo, nimar gibiro yiengʼ.

Jo-Hibrania 10:27

gima odongʼ en mana kibaji, kwangʼeyo ni wachomo kum gi mirima mar mach, mabiro tieko joma kedo gi Nyasaye chuth.