Ngeche 11:11 - Motingʼo Loko Manyien

¹¹ Gweth mar joma kare kelo pak ne dala, to kuom dho joricho dala kethore.

MUMA MALER 2015

¹¹ Mier yudo gueth ka joma kare odakie. Weche joricho to ketho mier aketha.

Ngeche 11:11 ပူးပေါင်းရင်းမြစ်များ

Chakruok 45:8

“Kuom mano, ok un ema ne uora ka to Nyasaye ema ne oora. En ema noketo abedo wuon Farao, ruoth mar ode duto kendo jatelo mar jo-Misri duto.

2 Samuel 20:1

To koro ne nitie ja-Benjamin machach ma nyinge Sheba wuod Bikri. Nogoyo turumbete kokok kowacho niya, “Waonge wat moro gi joka Daudi, kata gima oriwowa gi wuod Jesse! Yaye, ja-Israel moro ka moro odog e hembe!”

Ayub 22:30

Obiro resi kata ngʼama onge ketho; ngʼat ma kamano ibiro reso nikech in ngʼama kare.”

Ngeche 11:10

Ka ngʼat makare mewo, dala maduongʼ bedo mamor, ka joricho otho, to nitie koko mar mor.

Ngeche 11:12

Ngʼat maonge gi rieko jaro jabathe, to ngʼat man-gi winjo rito lewe.

Ngeche 14:34

Tim makare tingʼo oganda malo, to richo en wichkuot ne ji.

Ngeche 28:2

Ka piny toke tek, to en gi jotelo mangʼeny, to ngʼat mawinjo wach kendo man-gi ngʼeyo rito chik.

Ngeche 29:8

Joma jaro ji kelo koko e dala, to jomariek ringo aa e mirima.

Eklesiastes 9:15

E dala maduongʼno ngʼat moro modhier man-gi rieko nodakie, kendo noreso dala maduongʼno gi riekoneno. To onge ngʼama noparo ngʼama odhierno.

Jakobo 3:6

Lep bende en mach kendo piny mopongʼ gi richo e kind fuonde duto mag ringruok. Oketho ringruok duto ka omoko mach mawangʼo ngima dhano duto mi chop en owuon bende wangʼe e Gehena.