Ngeche 10:7 - Motingʼo Loko Manyien

⁷ Paro miparogo ngʼat makare nobed gweth, to nying ngʼat marach nolal.

MUMA MALER 2015

⁷ Ji nopak nying ng’at makare kosetho. Jaricho to wich wil go.

Ngeche 10:7 ပူးပေါင်းရင်းမြစ်များ

1 Ruodhi 11:36

Abiro miyo wuode dhoot achiel mondo Daudi jatichna obed gi taya e nyima ndalo duto e Jerusalem, dala maduongʼ mane ayiero mondo aketie Nyinga.

2 Ruodhi 19:34

Abiro kedone dala maduongʼni, kendo rese; nikech nyinga kod nying Daudi jatichna.’ ”

2 Weche mag Ndalo 24:16

Ne oike e Dala Maduongʼ mar Daudi gi ruodhi nikech gigo mabeyo mane osetimo ni Nyasaye kod hekalu e Israel.

2 Weche mag Ndalo 32:33

Hezekia notho moyweyo kaka kwerene kendo noyike e got kama liete nyikwa Daudi ne nitiere. Jo-Juda duto kod joma ne nitie Jerusalem nomiye duongʼ kane otho kendo Manase wuode nobedo ruoth kare.

Ayub 18:17

Humbe rumo e piny; kendo onge ngʼama nochak opare.

Ayub 24:20

Onge ngʼama paro joricho kendo wich wil kodgi; mi kudni chamgi kendo itiekogi chuth.

Ayub 27:23

Yamo nokudh kuomgi ka giringo kendo tekone malich nomi kihondko makgi.”

Zaburi 109:13

Kothe duto mondo kargi olal nono, kendo nying-gi oruchi kik bedi e tiengʼ mabiro.

Zaburi 109:15

Richogi mondo osiki e nyim Jehova Nyasaye, eka mondo ongʼad kargi oko chuth e piny.

Zaburi 112:6

Adier, onge gima nyalo yienge, ngʼat makare ibiro par nyaka chiengʼ.

Zaburi 34:16

to Jehova Nyasaye mon gi joma timo gik maricho, kendo omiyo wich wil kodgi e piny.

Zaburi 34:17

Joma kare koywak to Jehova Nyasaye winjogi; oresogi e chandruokgi duto.

Zaburi 41:5

Wasika wuoyo kuoma ka chunygi rach koda, kagiwacho niya, “Obiro tho karangʼo mondo nyinge olal chuth?”

Ngeche 22:1

Nying maber oloyo bedo gi mwandu mathoth; bedo gi pwoch ber moloyo fedha gi dhahabu.

Eklesiastes 8:10

Aseneno joma timbegi richo ka iyiko, jogo mane osiko kadonjo kendo wuok e kama ler kendo ne yudo pak e dala maduongʼ kuom gik ma ok mi Nyasaye duongʼ. Ma bende en tim manono.

Isaya 14:22

Jehova Nyasaye Maratego wacho niya, “Abiro kedo kodgi. Anagol nyinge oko gi joge motony gi nyithinde kod nyikwaye kuom jo-Babulon.”

Jeremia 17:13

Yaye Jehova Nyasaye, geno mar Israel, jogo duto mojwangʼi noyud wichkuot. Jogo molokoni ngʼegi nondik nying-gi e buru nikech gisejwangʼo Jehova Nyasaye, soko mar pi ngima.

Mariko 14:9

Awachonu adier ni kamoro amora ma noyalie Injili e kind ogendini duto mag piny, gima dhakoni otimo bende nohul, kiparego.”

Luka 1:48

nimar oseparo dhier mar jatichne. Chakre kawuononi tienge duto biro luonga ni ngʼat mogwedhi,