Ngeche 10:6 - Motingʼo Loko Manyien

⁶ Gweth sidho kondo mar loch ewi ngʼat makare, to timbe mahundu opongʼ e dho ngʼat marach.

MUMA MALER 2015

⁶ Ng’at makare yudo gueth. Weche jaricho to pando masira.

Ngeche 10:6 ပူးပေါင်းရင်းမြစ်များ

Esta 7:8

E seche mane ruoth odwogo koa e puodho mar dala ruoth kane odonjo e ot mane itimoe nyasi, noyudo ka Haman osenindo e kom maduongʼ mane Esta obetie. Ruoth nowuoyo matek ka obwok mowacho niya, “Odwaro kata mana mako mikacha e wangʼa kaneno?” Kane ruoth pok otieko wuoyo, ne giumo wangʼ Haman.

Ayub 29:13

Ngʼama ne chiegni tho nogwedha; kendo namiyo chuny dhako ma chwore otho duogo mi ower gi mor.

Zaburi 107:42

Joma kare neno kendo gidoko mamor; To joma timbegi richo dhogi moko.

Ngeche 10:11

Dho ngʼat makare en soko mar ngima, to timbe mahundu opongʼo dho ngʼat marach.

Ngeche 10:5

Ngʼat makayo cham e kinde oro en wuowi mariek, to ngʼat ma nindo kinde keyo en wuowi makwodo wich.

Ngeche 11:26

Ji kwongʼo ngʼat mapando cham, to gweth bedo ni ngʼatno moyie golo chambe mondo ji ongʼiew kuome.

Ngeche 24:25

To nobed maber gi jogo makumo joma oketho, kendo gweth mogundho nobed kodgi.

Ngeche 28:20

Ngʼat ma ja-adiera ibiro gwedho mangʼeny, to ngʼat madwaro gi teko bedo ja-mwandu ok notony ma ok okume.

Ngeche 3:33

Kwongʼ mar Jehova Nyasaye ni e od jaricho, to ogwedho dala ngʼat makare.

Isaya 3:10

Kone joma kare ni gin johawi, nimar giniyud pok kuom tichgi matek.

Obadia 1:10

Nikech lweny mane utimone owadu Jakobo unubed gi wichkuot; mi nokethu nyaka chiengʼ.

Jo-Rumi 3:19

To koro wangʼeyo ni gimoro amora ma Chik wacho, owacho ni joma ni e bwo chik, mondo ji duto olingʼ thi, kendo buch Nyasaye olo piny duto.

Rapar mar Chik 28:2

Gwethgi duto nobed magu kamoro amora ma untie ka uluoro Jehova Nyasaye ma Nyasachu, kendo magi e gin: