Ngeche 10:4 - Motingʼo Loko Manyien

⁴ Lwedo manyap miyo ngʼato bedo jachan, to lwedo ma jakinda kelo mwandu.

MUMA MALER 2015

⁴ Bedo jasamwoyo miyo ng’ato bedo jachan. Tich matek to kelo mwandu.

Ngeche 10:4 ပူးပေါင်းရင်းမြစ်များ

Chakruok 26:32

Chiengʼ onogo jotich Isaka nobiro ire monyise kuom soko mane gisekunyo. Negiwachone niya, “Waseyudo pi!”

Ngeche 10:5

Ngʼat makayo cham e kinde oro en wuowi mariek, to ngʼat ma nindo kinde keyo en wuowi makwodo wich.

Ngeche 11:24

Ngʼato achiel miyo ji ma ok odewo, to bende pod mwandu medorene moloyo, to ngʼat machielo kungo mokadhore, to ochopo mana e chan.

Ngeche 12:24

Tich matek miyo ngʼato bedo gi duongʼ, to nyawo gikone en tich mar misumba.

Ngeche 12:27

Jasamuoyo ok nyal yudo dwarone, to jakinda maratego ongʼeyo ber gige.

Ngeche 13:4

Jasamuoyo dwaro gimoro gi chunye duto to ok oyud gimoro, to jakinda yudo gik moko duto modwaro.

Ngeche 18:9

Ngʼat ma jasamuoyo e tich en owadgi ngʼat maketho gik moko.

Ngeche 19:15

Samuoyo kelo nindo matut, to ngʼat ma ja-mifwadhi bedo gi kech.

Ngeche 19:24

Jasamuoyo luto lwete malal ei tawo; kendo ok onyal gole oko moduoge e dhoge!

Ngeche 20:13

Kik iher nindo nono to ibiro bedo jachan, bed kineno to ok ibi chando chiemo.

Ngeche 20:4

Jasamuoyo ok pur puothe e kinde mowinjore; omiyo e kinde mar keyo omanyo, to ok oyud gimoro.

Ngeche 21:5

Chenro mag ngʼat matiyo matek kelo ohala to chutho e kaka rikni kelo chan.

Eklesiastes 10:18

Ka ngʼato nyap, to kor ode nyaka mukre marieny; to ngʼato ma budho abudha ma ok ti gi lwete, to ode nyaka chwer.

Johana 6:27

Weuru tiyo ni chiemo marumo, to tiuru ni chiemo masiko nyaka chop uyud ngima mochwere, ma Wuod Dhano biro miyou. Nyasaye Wuoro oseketo kido mare kuome manyiso ni oyie kode.”

1 Jo-Korintho 15:58

Emomiyo, jowetena mageno, chunguru motegno. Kik uyie gimoro oyiengu. Chiwreuru chuth kinde duto ni tich Ruoth, nikech ungʼeyo ni tich mutiyo matek ne Ruoth ok obedo kayiem nono.