Ngeche 10:30 - Motingʼo Loko Manyien

³⁰ Joma kare ok nopudh ngangʼ, to joricho ok nodongʼ e piny.

MUMA MALER 2015

³⁰ Pile joma kare ok nyal yiengni. Joricho to ok nodag e piny.

Ngeche 10:30 ပူးပေါင်းရင်းမြစ်များ

Ayub 17:9

Kata kamano, joma kare nosik koluwo yoregi makare, kendo joma yoregi oriere nomed bedo motegno.

Zaburi 112:6

Adier, onge gima nyalo yienge, ngʼat makare ibiro par nyaka chiengʼ.

Zaburi 125:1

Joma ogeno kuom Jehova Nyasaye chalo gi Got Sayun, ma ok nyal yiengi to osiko nyaka chiengʼ.

Zaburi 15:5

Ngʼat ma holo ji pesane ma ok odwaro ni odwokne gi gimoro e wiye kendo ma ok yie kaw asoya kuom joma onge ketho. Ngʼat matimo gik makamagi gimoro amora ok nyal yiengo.

Zaburi 16:8

Asiko aketo Jehova Nyasaye e nyima ndalo duto. Nikech ka entie e lweta korachwich, to onge gima nyalo yienga.

Zaburi 37:22

piny biro bedo girkeni mar joma Jehova Nyasaye ogwedho, to joma okwongʼo ibiro ngʼad kargi oko.

Zaburi 52:5

To Nyasaye biro tieli piny matieki chuth nyaka chiengʼ; obiro yudhi mi oyiechi oko e hembi; obiro pudhi mi ogoli e piny joma ngima. Sela

Ngeche 10:25

Ka auka mager ofuto, to joricho otieko; to joma kare chungo motegno nyaka chiengʼ.

Mathayo 21:41

Negidwoke niya, “Obiro nego joma achachgo gi nek marach bangʼe oketo puothe mar mzabibuno e lwet jopur mamoko, manyalo miye olembege, ka kinde keyo ogik.”