Ngeche 10:3 - Motingʼo Loko Manyien

³ Jehova Nyasaye ok we ngʼat makare obed gi kech, to oketho gombo mar joricho.

MUMA MALER 2015

³ Ruoth Nyasaye ok we kech neg ng’at makare. Jaricho to otuono gik modwaro.

Ngeche 10:3 ပူးပေါင်းရင်းမြစ်များ

Ayub 15:23

Orundore koni gi koni nimar en chiemb achudhe adier; ongʼeyo ni odiechieng mudho ni machiegni.

Ayub 20:28

Ohula maduongʼ biro yweyo ode mi dhigo, adier, pi maringo matek biro tere chiengʼ ma Nyasaye noolie mirimbe mager.

Ayub 5:20

Ka dera omako piny, to obiro resi e tho, kendo ka lweny gore to obiro resi e dho ligangla.

Zaburi 10:14

To in, yaye Nyasaye, ineno chandruok gi kuyo, ikawogi kaka mari kendo itingʼogi e lweti. Ngʼat ma ok nyal; chiwore ne in; in e jakony mar joma onge wuonegi.

Zaburi 112:10

Ngʼama timbene richo biro nene mi iye wangʼ, obiro mwodo lekene kendo obiro chiyore morum; gik ma ngʼama timbene richo gombo ni otimrene ok bi timorene ngangʼ.

Zaburi 33:19

mondo oresgi e tho kendo oritgi gibed mangima e ndalo mag kech.

Zaburi 37:19

E kinde mag masira mopore ok ginibed moner, bende gibiro bedo gi chiemo mathoth ndalo kech.

Zaburi 37:25

Nyaka aa e tin-na mi koro adoko ngʼama duongʼ pok aneno ka joma kare ojwangʼ, kata ka nyithindgi kwayo chiemo.

Zaburi 37:3

Gen kuom Jehova Nyasaye kendo tim maber. Eka inidag e piny kendo inichiem gi mor e lek maber.

Ngeche 13:25

Joma kare chiemo moromo kaka chunygi dwaro, to ii ngʼat marach nigi kech.

Ngeche 14:32

Ka masira obiro, joricho itieko, to kata e tho ngʼat makare nigi kar pondo.

Ngeche 28:25

Ngʼat ma jawuoro thoro kelo miero, to ngʼat mogeno kuom Jehova Nyasaye biro dhiyo maber.

Ngeche 28:9

Ka ngʼato odino ite ne chik, kata mana lemone bende richo.

Isaya 33:16

ma e ngʼama nodagi kuonde motingʼore gi malo, ma kare mar pondo nobedi got mochiel gohinga motegno. Chiembe ibiro chiw, kendo pi ok nodwon-ne.

Zefania 1:18

To kata mana fedha mathoth kod dhahabu ma gin-go ok noresgi, odiechiengʼ mar mirimb Jehova Nyasaye. Chiengʼ ma Jehova Nyasaye ngʼadoe bura, nyiego mager ma en-go nowangʼ piny duto, mitiek pep.” Kamano e kaka notiek gik moko duto modak e piny mana kadiemo wangʼ.

Luka 12:31

To dwaruru pinyruoth Nyasaye, eka gigi duto bende nomiu kaachiel gi mago.