Ngeche 10:21 - Motingʼo Loko Manyien

²¹ Dho ngʼat makare konyo ji mangʼeny, to ngʼat mofuwo tho nikech rem mar ngʼeyo ngʼado bura.

MUMA MALER 2015

²¹ Weche ng’at makare konyo ji mang’eny. Joma ofuwo to tho nikech gionge gi rieko.

Ngeche 10:21 ပူးပေါင်းရင်းမြစ်များ

Ayub 23:12

Pok aweyo mak aluwo chike mowuok e dhoge; to asekawo weche mowuok e dhoge kaka mwandu maduongʼ moloyo chiemba mapile.

Zaburi 37:30

Dho ngʼat makare hulo rieko kendo lewe wacho gima ratiro.

Ngeche 1:29

Kaka ne ok gidwar puonj kendo ok negiyiero luoro Jehova Nyasaye,

Ngeche 1:31

kuom mano ginicham olemo mag yoregi kendo giniyiengʼ gi olemo mar riekogi maricho.

Ngeche 1:32

Nikech yore mobam mag bayo mag jogo mangʼeyogi tin noneg-gi, kendo bedo ma ok odewo gimoro mar joma ofuwo notiekgi.

Ngeche 10:11

Dho ngʼat makare en soko mar ngima, to timbe mahundu opongʼo dho ngʼat marach.

Ngeche 12:18

Weche mag muomruok chwoyo chuny mana kaka ligangla, to lew ngʼat mariek kelo ngima.

Ngeche 15:4

Lep makelo ber en yath mar ngima, to lep mar miriambo omiyo chuny bedo mool.

Ngeche 15:7

Dho jomariek lando ngʼeyo, to ngʼat mofuwo to wechene obam.

Ngeche 17:16

Ere tiende mondo ngʼat mofuwo obed gi pesa nimar oonge gi dwaro mar bedo mariek?

Ngeche 5:12

To iniwachi niya, “Mano kaka nasin gi puonj mar rieko! Mano kaka chunya nokwedo siem mane omiya kuom gik mane atimo ma ok nikare!

Ngeche 5:2

eka isik kingʼeyo pogo tiend weche kendo dhogi norit rieko.

Ngeche 5:23

Obiro tho nikech ok oyie mondo orieye, obayo yo nikech fupe maduongʼ.

Ngeche 6:32

To ngʼat ma terore gi chi ngʼat machielo onge gi rieko, ngʼat matimo kamano ketho ngimane owuon.

Eklesiastes 12:11

Weche joma riek jiwo mondo omi giti; to wechego kochoki to chalo gi ludh jokwadh makwayo rombe kata musmal mogur matek. Nyasaye ma jakwadhwa achiel kende ema osechiwo wechego.

Isaya 5:13

Omiyo koro joga biro dhi e twech nikech bedo maonge winjo; jotendgi kech biro nego, Kendo oganda modongʼ to riyo ema biro nego.

Jeremia 15:16

Ka wechegi nobiro, ne achamogi; ne gin morna, kendo ilo mar chunya, nimar iluonga gi nyingi, yaye Jehova Nyasaye Maratego.

Jeremia 3:15

Eka anamiu jokwath ma chunygi chal koda, mabiro telonu gi rieko kod winjo.”

Hosea 4:6

Joga itieko nikech chando ngʼeyo. “Nikech utamoru dwaro ngʼeyo, an bende adagiu kaka jodolona; nikech usejwangʼo chike mag Nyasachu, an bende anajwangʼ nyithindu.

Mathayo 12:35

Ngʼat maber golo gik mabeyo mawuok kuom ber mokano e iye, to ngʼat marach golo gik maricho mawuok kuom rach mokano e iye.

Mathayo 13:19

Ka ngʼato owinjo wach mar pinyruoth to ok owinjo tiende, ngʼat marach biro kendo yudho gima okom e chunye mi dhigo. Mano e kodhi mane ochwoyo e dir yo.

Jo-Rumi 1:28

To bende, kaka negiparo ni ngʼeyo Nyasaye ok lich, Nyasaye nojwangʼogi mondo gidhi adhiya nyime ka pachgi obam, mondo gitim, gik ma ok onego otim.

1 Petro 5:2

Beduru jokwath mag kweth Nyasaye moseketo e lwetu mondo uriti. Ritgiuru kaka jorit, ok nikech ngʼato ochunou, to nikech chunyu ohero, kaka Nyasaye dwaro ni utim. Kik ubed jokwath mondo uyudie ohala, to timuru kamano nikech uhero.