Ngeche 10:20 - Motingʼo Loko Manyien

²⁰ Lew ngʼat makare en fedha mowal, to chuny ngʼat marach nigi ohala matin.

MUMA MALER 2015

²⁰ Weche ng’at makare chalo gi fedha maler. Paro mag jaricho to onge tich.

Ngeche 10:20 ပူးပေါင်းရင်းမြစ်များ

Chakruok 6:5

Jehova Nyasaye noneno kaka richo dhano ogundho e piny kendo kaka paro duto mag chunye ne mana timo richo seche duto.

Chakruok 8:21

Jehova Nyasaye nowinjo suya madungʼ tik mangʼwe ngʼar kendo nowacho e chunye niya, “Ok anachak akwongʼ piny kendo nikech dhano, kata obedo ni paro ma aye chunye opongʼ gi richo nyaka aa e tin-ne. Bende ok anachak atiek gik mangima kendo kaka asetimoni.

Zaburi 37:30

Dho ngʼat makare hulo rieko kendo lewe wacho gima ratiro.

Ngeche 12:18

Weche mag muomruok chwoyo chuny mana kaka ligangla, to lew ngʼat mariek kelo ngima.

Ngeche 15:4

Lep makelo ber en yath mar ngima, to lep mar miriambo omiyo chuny bedo mool.

Ngeche 16:13

Ruodhi ohero joma wacho adiera kendo gigeno ngʼat mawacho adiera.

Ngeche 20:15

Dhahabu nitie, kendo kite ma nengogi tek bende nitie mogundho, to dhok mawacho weche mag ngʼeyo gin kaka mula mabeyo mayudo tek.

Ngeche 23:7

nimar en ngʼat mosiko paro nengo mochul. Owachoni niya, “Chiem kendo methi,” to chunye ok ni kodi.

Ngeche 8:19

Olemba ber moloyo dhahabu maber, gino machiwo oloyo fedha moyier.

Jeremia 17:9

Chuny en jawuond moloyo gik moko duto kendo ok nyal thiedhe. En ngʼa manyalo ngʼeye?