Ngeche 10:18 - Motingʼo Loko Manyien

¹⁸ Ngʼatno mapando sigu manie chunye, dhoge nigi miriambo, to ngʼatno ma jakwoth ofuwo.

MUMA MALER 2015

¹⁸ Ng’at mapando sigu manie chunye en jamriambo, kendo jafuong’ wach en ng’at mofuwo.

Ngeche 10:18 ပူးပေါင်းရင်းမြစ်များ

2 Samuel 3:27

Koro kane Abner osedwogo Hebron, Joab notere tenge e dhorangach; ka gima odwa wuoyo kode lingʼ-lingʼ. To kendo gikanyo, ema nochuloe kuor mar Asahel, mi Joab nochwowo iye motho.

Zaburi 101:5

Ngʼato angʼata makuodho nyawadgi lingʼ-lingʼ abiro kwero mi lingʼ; ngʼato angʼata ma wangʼe tek kendo ma sungore gie chunye, ok anyal betgo amingʼa.

Zaburi 12:2

Ngʼato ka ngʼato riambo ne nyawadgi; dhogi mohero jaro ji wuoyo gi wuond.

Zaburi 15:3

kendo maonge gi miriambo e dhoge, kendo ma ok tim ne wadgi gimoro amora marach kendo ok dir weche makwodo wi dhano wadgi,

Zaburi 5:9

Kata wach achiel mowuok e dho jogi ok nyal gen; chunygi opongʼ gi kethruok. Dwondgi chalo gi liel mapok oum; lewgi olony e wacho miriambo.

Zaburi 50:20

Usiko uwuoyo marach kuom joweteu kendo ukuotho koda ka oweteu mahie ma uago e ich achiel.

Zaburi 55:21

Weche mowacho to yom ka mo mabuo, to lweny to ni e chunye; wechege yomo del moloyo mor wirruok, to kara gin mana ligangla mosewuodh oko.

Wuok 23:1

“Kik iland wach ma ok adiera. Kik ikony ngʼat marach kidoko janeno mar miriambo.

Jeremia 6:28

Giduto gin jongʼanyo ma tokgi tek ta, ka gidhi ka gi kacha mar kuotho. Gin nyinyo kod chuma; giduto gin jomecho.

Jeremia 9:4

“Beduru motangʼ gosiepeu; kik uket genou kuom oweteu. Nimar oweteu duto jo-miriambo, kendo osiep moro amora jakwoth.

Tim jo-Lawi 19:16

“ ‘Kik iketh nying jowadu koni gi koni e yor kuoth, kendo kik ihangne jowadu wach ma ok nikare. An e Jehova Nyasaye.

1 Samuel 18:29

Saulo nomedo luore, kendo nosiko ka en jasike e ndalo duto mag ngimane.