Ngeche 10:13 - Motingʼo Loko Manyien

¹³ Rieko iyudo e dho jogo mongʼeyo tiend wach, to luth en mar ngʼe ngʼatno maonge gi rieko mar ngʼado bura.

MUMA MALER 2015

¹³ Joma riek pile wacho weche mariek. Joma ofuwo to onego ochwadi.

Ngeche 10:13 ပူးပေါင်းရင်းမြစ်များ

Zaburi 32:9

Kik ichal gi farese kata gi punda, maonge gi rieko, manyaka chiki mana ka otwe dhoge kendo iywayo gi kamba, nono to ok gibi buti.

Zaburi 37:30

Dho ngʼat makare hulo rieko kendo lewe wacho gima ratiro.

Wuok 10:12

Eka Jehova Nyasaye nowacho ne Musa niya, “Rie badi e piny Misri mondo bonyo opoti e piny kendo mondo ocham gimoro amora matwi e puothe gi gimoro amora ma pe oweyo.”

Ngeche 10:21

Dho ngʼat makare konyo ji mangʼeny, to ngʼat mofuwo tho nikech rem mar ngʼeyo ngʼado bura.

Ngeche 10:31

Dho joma kare kelo rieko, to lep mar richo nongʼad oko.

Ngeche 15:23

Ngʼato yudo mor e dwoko mowinjore, to mano ber manade kuom wach mochopo e sa midware.

Ngeche 15:7

Dho jomariek lando ngʼeyo, to ngʼat mofuwo to wechene obam.

Ngeche 16:21

Ngʼat man-gi paro en ngʼat mariek, kendo weche mowacho gin mana puonj.

Ngeche 17:10

Puonj mar kwer konyo ngʼat mariek, moloyo chwat nyadi mia ni ngʼat mofuwo.

Ngeche 19:29

Kum oket mana ne jo-achaya, to chwat ne ngʼe joma ofuwo.

Ngeche 20:15

Dhahabu nitie, kendo kite ma nengogi tek bende nitie mogundho, to dhok mawacho weche mag ngʼeyo gin kaka mula mabeyo mayudo tek.

Ngeche 26:3

Kaka faras owinjore gi chwat, to dho punda owinjore gi tweyo e kaka ngʼe joma ofuwo owinjore gi goch.

Ngeche 27:22

Kata bed ni iyoko ngʼat mofuwo e pany, iyoke kaka cham miswago, ok inigol fupe oa kuome.

Ngeche 6:32

To ngʼat ma terore gi chi ngʼat machielo onge gi rieko, ngʼat matimo kamano ketho ngimane owuon.

Ngeche 7:22

Gikanyono noluwe kodhi kode mana ka rwadh bwoch mitero kar yengʼo, kata ka mwanda madonjo e obeto

Isaya 50:4

Jehova Nyasaye Manyalo Gik Moko Duto osemiyo apongʼ kod puonj, mondo omi angʼe wach manyalo hoyogo ngʼama ni e chandruok. Ochiewa pile okinyi kokinyi, kendo oyawo ita mondo abed gi winjo ka ngʼat mipuonjo.

Luka 4:22

Ji duto nowuoyo maber kuome kendo negiwuoro ahinya weche mag ngʼwono manowuok e dhoge. Negipenjo niya, “Donge ngʼatni en wuod Josef?”