Ngeche 10:1 - Motingʼo Loko Manyien

¹ Ngeche mag Solomon: Wuowi mariek kelo mor ni wuon mare, to wuowi mofuwo miyo min mare chuny lit.

MUMA MALER 2015

¹ Ngeche moko mag Solomon: Wuowi mariek miyo wuon mare bedo mamor, to wuowi mofuwo miyo min mare chuny lit.

Ngeche 10:1 ပူးပေါင်းရင်းမြစ်များ

1 Ruodhi 4:32

Nogoyo ngeche alufu adek kendo wende mane owero noromo alufu achiel gi abich.

Ngeche 1:1

Ngeche mag Solomon wuod Daudi, ruodh Israel:

Ngeche 13:1

Wuowi mariek winjo puonj wuon mare, to ngʼat ma wangʼe tek ok winj wach kikwere.

Ngeche 15:20

Wuowi mariek miyo wuon mare mor, to ngʼat mofuwo chayo min mare.

Ngeche 17:21

Bedo gi ngʼat mofuwo kaka wuowi kelo kuyo; onge mor ni wuoro ma wuon ngʼat mofuwo.

Ngeche 17:25

Wuowi mofuwo kelo kuyo ni wuon mare kod chuny lit ne ngʼat mane onywole.

Ngeche 19:13

Wuowi mofuwo kelone wuon mare masira, to dhako maralep chalo gi kodh ajiki.

Ngeche 25:1

Magi e ngeche mamoko mag Solomon, mane jo-Hezekia ruodh Juda ondiko.

Ngeche 27:11

Bed mariek, wuoda kendo imi chunya mor eka anyalo dwoko ngʼato moro amora machaya.

Ngeche 29:15

Ka ichwado nyathi kendo ikwere eka ikonye bedo mariek to nyathi ma owe aweya kelo wichkuot ne min mare.

Ngeche 29:17

Kum wuodi, to obiro miyi kwe; kendo obiro kelo mor ne chunyi.

Ngeche 29:3

Ngʼat mohero rieko miyo wuon mare mor, to ngʼat momako osiep kod jachode ketho mwandune.

Eklesiastes 12:9

Nikech jayalo ne riek, nopuonjo ji gik moko duto mane ongʼeyo. Noparo matut kendo omanyo mi ochano ngeche mangʼeny kaka owinjore.

Eklesiastes 2:19

To ere ngʼama ongʼeyo ni ngʼat mabiro luwano nobed ngʼama ofuwo kata ngʼama riek? Kata obed mariek kata mofuwo, to obiro kawo gimoro amora mane aloso gi lucha. Ma bende ne ayudo ni onge tiende.