Ngeche 1:9 - Motingʼo Loko Manyien

⁹ Ginibedni kaka kondo michwowo e wiyi, kendo kaka thiwni miketo e ngʼuti mondo ineri maber.

MUMA MALER 2015

⁹ nimar puonjgi biro loso kiti maber, mana kaka kondo kata thiwni miyo ng’ato nenore maber.

Ngeche 1:9 ပူးပေါင်းရင်းမြစ်များ

Chakruok 41:42

Eka Farao nogolo tere mar loch e lwete morwako e lwet Josef. Ne orwako ne Josef law mayom mar duongʼ miluongo ni bafta kendo orwako ne tigo mar dhahabu e ngʼute.

Zaburi 73:6

Emomiyo sunga chalonegi thiwni mar ngʼut, kendo girwako mahundu ka law.

Ngeche 3:22

Ginibedni ngima maber, ka tigo maber mitweyo e ngʼuti.

Ngeche 3:3

Kik iwe hera kod adiera weyi; twegi e ngʼuti, kendo ndikgi e chunyi maiye.

Ngeche 4:9

Enoket ogut ngʼwono e wiyi kendo nosidhni osimbo mar duongʼ.”

Wer Mamit 1:10

Lembi nenore maber ka sitadi olierie; ngʼuti bende nenore maber ka olierie tigo ma nengogi tek.

Wer Mamit 4:9

Yaye jaherana, ka aneno kaka ingʼiya, kod tigo malich miliero e ngʼuti, to chunya rumo.

Isaya 3:19

gi tigo miliero e it gi bangli mag lwetgi kod kitamba miliero e ngʼut,

Jeremia 35:8

Waserito gik moko duto mane kwarwa Jehonadab wuod Rekab ochikowa. Wan kod mondewa kata yawuotwa gi nyiwa pod ok omadho divai,

Ezekiel 16:11

Ne amiyi tigo ma nengogi tek kaka: Bangli e bedeni kod tigo ne aliero e ngʼuti,

Daniel 5:16

To asewinjo ni in inyalo loko tiend weche mopondo ka ikonyo e weche matek machando ji. Kinyalo somo ndikoni mi inyisa tiende to ibiro rwakni law maralik kendo ibiro ketni thiwni mar dhahabu e ngʼuti, kendo ibiro keti jalupna mar adek kuom duongʼ e pinyruoth.

Daniel 5:29

Bangʼ ka Daniel noseloko lekno, Belshazar nogolo chik mondo orwak ne Daniel law maralik, oket ne thiwni mar dhahabu e ngʼute, kendo nokete jalup ruoth mar adek e pinyruoth duto.

Daniel 5:7

Ruoth nogolo chik mondo okelne jokor wach, joma riek ma jo-Kaldea kod jo-nyakalondo kendo nowachone jomariek ma Babulon niya, “Ngʼato angʼata mosomo ndikoni kendo onyisa tiende, to ibiro rwakne law maralik kendo ibiro ketne thiwni mar dhahabu e ngʼute, bende ibiro kete jalupna mar adek kuom duongʼ e pinyruoth.”