Ngeche 1:7 - Motingʼo Loko Manyien

⁷ Luoro Jehova Nyasaye e chakruok mar ngʼeyo to joma ofuwo chayo rieko gi ritruok makare.

MUMA MALER 2015

⁷ Luoro Ruoth Nyasaye e chakruok mar rieko. Joma ofuwo to chayo rieko, kendo ok dwar puonjore.

Ngeche 1:7 ပူးပေါင်းရင်းမြစ်များ

Ayub 28:28

Kendo nowachone dhano ni, ‘Luoro Ruoth Nyasaye kelo rieko, kendo ka idwaro bedo gi ngʼeyo to nyaka iwe richo!’ ”

Zaburi 111:10

Luoro Jehova Nyasaye e chakruok mar rieko; ji duto moluwo buchene nigi winjo maber. En kende ema owinjore yudo pak manyaka chiengʼ.

Ngeche 1:22

“Nyaka karangʼo ma un joma ngʼeyogi tin nusik kuhero yoreu mag ngʼeyo matin?” Nyaka karangʼo ma jojaro pod nosik kamor, e jaro kendo joma ofuwo nosiki kochayo puonj?

Ngeche 15:32

Ngʼat ma ok dew kum ochayore owuon, to ngʼat mawinjo kikwere medo winjo wach.

Ngeche 15:33

Luoro Jehova Nyasaye puonjo dhano rieko, to bedo mamuol kelo luor.

Ngeche 15:5

Ngʼat mofuwo chayo kum mar wuon mare, to ngʼat mawinjo ka ikwere nyiso rieko.

Ngeche 18:2

Ngʼat mofuwo ok mor kod winjo wach to omor mana gi wacho paroge owuon.

Ngeche 2:5

eka iniwinj malongʼo tiend luoro Jehova Nyasaye, kendo iniyud rieko mar ngʼeyo Nyasaye.

Ngeche 23:9

Kik iwuo ne ngʼat mofuwo, nikech obiro chayo rieko mag wechegi.

Ngeche 9:10

Luoro Jehova Nyasaye e chakruok mar rieko, to ngʼeyo Jal Maler miyo ngʼato ngʼeyo tiend wach.

Eklesiastes 12:13

Gik moko duto koro osewinji, omiyo koro ma e wach mogik: Luor Nyasaye kendo rit chikene nimar ma e tich mane omi dhano.

Jo-Rumi 1:28

To bende, kaka negiparo ni ngʼeyo Nyasaye ok lich, Nyasaye nojwangʼogi mondo gidhi adhiya nyime ka pachgi obam, mondo gitim, gik ma ok onego otim.

Rapar mar Chik 4:6

Ritgiuru maber, nimar mano ema biro nyiso riekou gi ngʼeyou ni ogendini mamoko mabiro winjo buchegi duto wach niya, “Adier, onge oganda mariek kendo man-gi ngʼeyo koganda maduongʼni.”