Ngeche 1:31 - Motingʼo Loko Manyien

³¹ kuom mano ginicham olemo mag yoregi kendo giniyiengʼ gi olemo mar riekogi maricho.

MUMA MALER 2015

³¹ Kuom mano, unuyud gima owinjore kodu, kendo timbeu uwegi noromu!

Ngeche 1:31 ပူးပေါင်းရင်းမြစ်များ

Ayub 4:8

Gima aseneno en ni joma chwoyo richo gi chandruok kayo mana richo.

Zaburi 81:13

“Ka dine joga yie winja, ka dine Israel yie lu yorena,

Ngeche 12:14

Weche mabeyo mawuok e dho ngʼato miyo obedo gi gik mabeyo, adiera, tich mar lwete kelone konyruok.

Ngeche 13:2

Ngʼat makare yudo pok maber kaluwore gi gik mowacho, to ngʼatno ma ok ja-adiera nigi gombo mar miero.

Ngeche 14:14

Joma onge yie ibiro mi pok moromo gi timbegi, to ngʼat maber bende pok moromo kode.

Ngeche 22:8

Ngʼatno mochwowo timbe richo kayo thagruok, to ludhe mar mirima ibiro ketho.

Ngeche 5:22

Timbe mamono mag ngʼama jaricho obedone obadho mamake, tonde mag richone tweye matek.

Ngeche 5:23

Obiro tho nikech ok oyie mondo orieye, obayo yo nikech fupe maduongʼ.

Ngeche 8:36

To ngʼatno ma odaga hinyore kende owuon; jogo duto mamon koda ohero tho.”

Isaya 66:4

omiyo an bende abiro yieronegi masiche mondo omakgi kendo abiro kelo kuomgi gik ma giluoro. Nimar kane aluongo, to onge ngʼat mane odwoka, kendo kane awuoyo, to onge ngʼat mane owinjo. Negitimo timbe mamono e nyima, kendo ne giyiero mana gik mamorogi.”

Jeremia 14:16

Kendo jogo ma gikorone nowit oko e yore mag Jerusalem nikech kech kod ligangla. Onge ngʼama noikgi kata mondegi, yawuotgi kata nyigi. Anaol kuomgi masiche mowinjore kodgi.

Jeremia 2:19

Timbeu maricho biro kelonu kum; wech mane uweyago ema biro kelonu kum. Nonuru kendo ubiro ngʼeyo malongʼo, kaka en gima rach kendo lit ne un uwegi, ka ujwangʼo Jehova Nyasaye ma Nyasachu, kendo ubedo maonge kode gi luor kata matin,” Ruoth Nyasaye ma en Jehova Nyasaye Maratego, owacho kamano.

Jeremia 21:14

Anakumu moromo gi timbeu, Jehova Nyasaye owacho. Anamok mach e bunge magu manowangʼ gimoro amora machiegni kodu.’ ”

Jeremia 6:19

Winji, yaye piny: Akelo masira ne jogi, ma en olemo mar pachgi maricho, nikech gitamore winjo wechena, kendo gisedagi chikna.

Ezekiel 22:31

Omiyo koro abiro olo mirimba kuomgi kendo abiro tiekogi gi mirimba mager, ka aketo e wigi giwegi gik moko duto maricho gisetimo, Jehova Nyasaye Manyalo Gik Moko Duto ema owacho.”