Ngeche 1:1 - Motingʼo Loko Manyien

¹ Ngeche mag Solomon wuod Daudi, ruodh Israel:

MUMA MALER 2015

¹ Magi e ngeche mag Solomon wuod Daudi, ruodh Israel,

Ngeche 1:1 ပူးပေါင်းရင်းမြစ်များ

1 Ruodhi 2:12

Omiyo Solomon nobet e kom loch wuon mare Daudi, kendo lochne nogurore.

1 Ruodhi 5:12

Jehova Nyasaye nomiyo Solomon rieko mana kaka nosesingorene. Ne nitie winjruok mar kwe e kind Hiram kod Solomon kendo gin ji ariyogo negitimo singruok e kindgi.

1 Weche mag Ndalo 22:9

To ininywol wuowi manobed ngʼat mohero kwe maonge tungni, kendo anami obed gi kwe kuom jowasike molwore. Enochake ni Solomon, mi anakelni jo-Israel kwe e ndalo lochne.

1 Weche mag Ndalo 28:5

To kuom yawuota duto ma bende Jehova Nyasaye osemiya mangʼeny, noyiero wuoda Solomon mondo obedi e kom loch mar pinyruodh Jehova Nyasaye e Israel.

1 Weche mag Ndalo 29:23

Omiyo Solomon nobedo e kom loch Jehova Nyasaye kaka ruoth kar Daudi wuon mare. Ne en gi gweth kendo jo-Israel nomiye luor.

1 Weche mag Ndalo 29:28

Nodak e ngima maber ka en-gi mwandu kod duongʼ, bangʼe notho ka hike noniangʼ moloyo. Wuode ma Solomon nobedo ruoth kare.

Ngeche 10:1

Ngeche mag Solomon: Wuowi mariek kelo mor ni wuon mare, to wuowi mofuwo miyo min mare chuny lit.

Ngeche 22:21

mapuonjou adiera gi weche migeno, mondo ichiw dwoko mowinjore ne ngʼat mane oori?

Ngeche 25:1

Magi e ngeche mamoko mag Solomon, mane jo-Hezekia ruodh Juda ondiko.

Eklesiastes 1:1

Magi e weche mane jayalo ma wuod Daudi, mane ruodh Jerusalem owacho.

Eklesiastes 12:9

Nikech jayalo ne riek, nopuonjo ji gik moko duto mane ongʼeyo. Noparo matut kendo omanyo mi ochano ngeche mangʼeny kaka owinjore.

Johana 16:25

“Kata obedo ni asebedo ka awuoyonu gi ngeche, to ndalo biro ma ok nawuo kodu kamano, to ananyisu maler kuom Wuora.