Nehemia 9:13 - Motingʼo Loko Manyien

¹³ “Ne ilor e Got Sinai; mane iwuoyo kodgi gie polo. Ne imiyogi puonj kod chike makare kendo madiera kendo ne imiyogi puonj maber.

MUMA MALER 2015

¹³ Nilor ewi got Sinai, kendo niwuoyo kodgi gie polo, kimiyogi chike makare kendo madiera kod buche mabeyo,

Nehemia 9:13 ပူးပေါင်းရင်းမြစ်များ

2 Ruodhi 17:37

Nyaka ubed motangʼ kurito buche, weche, chike kod puonj duto mane omiyou. Kik ulam nyiseche mamoko.

Ezra 7:6

Ezra-ni noduogo koa Babulon. Ne en japuonj man-gi lony mathoth kuom Chik Musa, ma Jehova Nyasaye, ma Nyasach Israel, nochiwo. Ruoth nomiye gimoro amora mano kwayo, nimar lwet Jehova Nyasaye, ma Nyasache ne ni kuome.

Zaburi 119:137

In ngʼat makare, yaye Jehova Nyasaye, kendo chikeni nikare.

Zaburi 119:160

Wechegi duto gin adier; kendo chikegi makare duto ochwere.

Zaburi 119:4

Iseguro chikeni ni nyaka lu kaka gin.

Wuok 16:23

Eka nowachonegi kama, “Ma e gima Jehova Nyasaye ochiko, ‘Kiny en odiechieng yweyo, ma en Sabato maler mowal ne Jehova Nyasaye. Teduru mago mudwaro tedo kendo bokuru mago mudwaro boko, to modongʼ to ukan nyaka kiny.’ ”

Wuok 19:11

mondo gibed moikore e odiechiengʼ mar adek, nimar chiengʼno Jehova Nyasaye biro lor ewi Got Sinai ka ji duto nene.

Wuok 20:1

Eka Nyasaye nowuoyo kowacho niya,

Wuok 20:22

Eka Jehova Nyasaye nowacho ne Musa niya, “Nyis jo-Israel kama: ‘Useneno un uwegi ni asewuoyo kodu ka aa e polo.

Isaya 64:1

Mad ibar polo mondo ilor piny, mondo gode otetni e nyimi,

Isaya 64:3

Nimar kane itimo gik madongo mane ok wapar, ne ilor piny ma gode ne oyiengni e nyimi,

Habakuk 3:3

Nyasaye nobiro koa Teman, Nyasaye Maler moa e got mar Paran. Sela Duongʼne noumo polo, kendo pakne nopongʼo piny.

Jo-Rumi 7:16

Koro ka atimo gik ma ok adwar, to mano nyiso ni Chik ber.

Rapar mar Chik 33:2

Nowachonegi niya, “Jehova Nyasaye nobiro koa Sinai mochopo irgi koa Seir, mi ofwenyore koa e got Paran. Nobiro gi oganda maler kowuok yo milambo e kor gode mage.

Rapar mar Chik 4:33

Bende nitie oganda moro mosewinjo dwond Nyasaye kawuoyo e mach kaka usewinjoni ma obedo mangima?

Rapar mar Chik 4:36

Noyie uwinjo dwonde gie polo mond opuonjugo. Bende noyienu ma uneno mach makakni e piny, kendo nuwinjo dwonde ei majno.

Rapar mar Chik 4:8

Kara ere oganda machielo maduongʼ man kod buche gi chike makare machal gi chike mamiyou kawuononi?

Rapar mar Chik 5:4

Jehova Nyasaye nowuoyo kodu wangʼ gi wangʼ gi ei mach ewi godno.