Nehemia 9:12 - Motingʼo Loko Manyien

¹² Godiechiengʼ ne itelonegi gi bor polo, to gotieno to ne itelonegi gi mach makakni mondo omigi ler e wangʼ yo kama ne giwuothoe.

MUMA MALER 2015

¹² Godiechieng’ nitelonigi e siro mar bor polo, to gotieno nitelonigi gi siro mar mach mondo omenynigi yo ma giwuothoe.

Nehemia 9:12 ပူးပေါင်းရင်းမြစ်များ

Nehemia 9:19

“Nikech ngʼwono mari mathoth ne ok ijwangʼogi e thim. Godiechiengʼ, bor polo nodhi nyime ka telonegi e yo, to gotieno mach makakni nomedo menyonegi kama giluwo.

Zaburi 105:39

Noumogi gi boche polo kaka raum, kendo mach nochiwonegi ler gotieno.

Zaburi 107:7

Ne otelonegi e yo moriere tir, nyaka negichopo e dala, mane ginyalo dakie.

Zaburi 143:8

Mi mondo okinyi oromna gi herani ma ok rem, nimar aketo genona kuomi. Nyisa yo monego alu nimar aketo chunya duto kuomi.

Zaburi 78:14

Ne otayogi kod bor polo godiechiengʼ kendo giler moa e mach otieno duto.

Wuok 15:13

“Kuom herani ma ok rum, ibiro telone oganda ma isereso. Kuom tekoni ibiro telonegi nyaka kar dakni maler.

Ezekiel 20:6

Chiengʼno ne asingoranegi ni anagolgi e piny Misri mi atergi e piny mane asemanyo mi ayudonegi, ma en piny mopongʼ gi chak kod mor kich kendo piny maber moloyo pinje duto.

Kwan 9:16

Mano e kaka nochalo ka bor polo oume godiechiengʼ to gotieno ochalo ka mach.

Kwan 9:21

Seche moko bor polo ne ni kanyo chakre odhiambo nyaka okinyi kende, to kane oyawore gokinyi to negichako wuoth. Bed ni en odiechiengʼ kata otieno, to e kinde ma bor polo noyawore, negichako wuoth.

Rapar mar Chik 1:33

mane otelo nyimu e wuodhu, gotieno notelonu gi mach to godiechiengʼ notelonu gi rumbi mondo umany kuonde monego ubworie kendo onyisu yo monego uluw.