Nehemia 3:21 - Motingʼo Loko Manyien

²¹ Mokiewo kode, Meremoth wuod Uria, ma wuod Hakoz, nochako gero migawo machielo e dir Barak kochakore e dhood Eliashib mochopo nyaka gikone.

MUMA MALER 2015

²¹ Meremoth wuod Uria ma wuod Hakoz nochako ogero migawo machielo e dir Barak. Migapeno nochakore e dhood Eliashib mochopo e giko mar od Eliashib.

Nehemia 3:21 ပူးပေါင်းရင်းမြစ်များ

1 Weche mag Ndalo 4:8

kod Koz, mane wuon Anub, to gi Hazobeba kod anywola mar Aharhel wuod Harum.

Ezra 2:61

Mago mane oa kuom jodolo ne gin: nyikwa Hobaya, Hakoz kod Barzilai (ngʼatno mane okendo nyar Barzilai ma ja-Gilead to kendo ne iluonge gi nyingno).

Ezra 8:33

E odiechiengʼ mar angʼwen, e od Nyasachwa, ne wapimo pek fedha gi dhahabu kod gigo mowal ma waketo e lwet Meremoth wuod Uria, ma jadolo, Eliazar wuod Finehas ne ni kode, kod jo-Lawi bende kaka Jozabad wuod Jeshua gi Noadia wuod Binui.

Nehemia 3:1

Eliashib ma jadolo maduongʼ kod jodolo wetene ne jochako tich mogere rangach miluongo ni Dhoranga Rombe. Ne gigwedhe mi girwako dhoute, negigero ohinga mochopo kama oger mabor mar ngʼicho mar Mea kendo nyaka kama oger mabor mar ngʼicho Hananel.

Nehemia 3:20

Baruk wuod Zabai bende nochiwore mochako gero migawo moro chakre kama ohinga ogomogo nyaka dhood Eliashib ma jadolo maduongʼ.

Nehemia 3:22

Jodolo mane odak e gwengʼ e molworo Jerusalem nogedo e dir Meremoth.

Nehemia 3:4

Meremoth wuod Uria, ma wuod Hakoz nogero migape e dirgi. Ngʼat mane ogedo e dir jo-Meremoth ne en Meshulam wuod Berekia, ma wuod Meshezabel. Zadok wuod Baana ema ne ogedo e dir Meshulam,

Nehemia 7:63

Mago mane oa kuom jodolo ne gin: nyikwa Hobaya, Hakoz kod Barzilai (ngʼatno mane okendo nyar Barzilai ma ja-Gilead to kendo ne iluonge gi nyingno).