Nehemia 12:36 - Motingʼo Loko Manyien

³⁶ kod jotich kaachiel kode kaka: Shemaya, Azarel, Milalai, Gilalai, Maai, Nethanel, Juda kod Hanani ka gin-gi thumbe migoyo mane olos gi Daudi ka giluwo kor ohinga mi gikadho ewi od Daudi ngʼat Nyasaye. Ezra ma jandiko notelonegi.

MUMA MALER 2015

³⁶ kaachiel gi jowetene ma Shemaya gi Azarel gi Milalai gi Gilalai gi Maai gi Nethaneel gi Juda kod Hanani, ka giting’o thumbe mane Daudi ng’at Nyasaye oloso. Ezra japuonj chik ema notelonigi.

Nehemia 12:36 ပူးပေါင်းရင်းမြစ်များ

1 Weche mag Ndalo 23:5

Ji alufu angʼwen, to noket jorit rangeye, kendo ji alufu angʼwen mamoko, to noket jopak Jehova Nyasaye gi thumbe ma asechiwo nikech tijni.”

2 Weche mag Ndalo 8:14

Kaluwore gi chike Daudi wuon mare, Solomon nochano migepe mag jodolo kuom tijegi kendo jo-Lawi notelo ni tich wer kod konyo jodolo kaluwore gi tije mopogore opogore mapile ka pile. Kendo nopogo jorit rangeye gi migepegi kuom rangeye mopogore opogore nikech ma e chik ma Daudi ngʼat Nyasaye nochiko.

Ezra 7:1

Bangʼ gigi duto, e kinde mar loch Artaksases ruodh Pasia, Ezra wuod Seraya, ma wuod Azaria, ma wuod Hilkia,

Ezra 8:1

Magi e jotend dhoudi kod jogo mane obiro koda koa Babulon e kinde loch Ruoth Artaksases:

Nehemia 12:24

To jotend jo-Lawi ne gin: Hashabia, Sherebia, Jeshua wuod Kadmiel, kod jotich kaachiel kodgi, mane ochungʼ ka ngʼiyore ka gipako Nyasaye kendo gidwokone erokamano ka jomoko omo wer to jomoko olo mana kaka Daudi ngʼat Nyasaye nondiko.

Nehemia 12:35

kaachiel gi jodolo moko man-gi turumbete, kod Zekaria wuod Jonathan, wuod Shemaya, wuod Matania, wuod Mikaya, wuod Zakur, wuod Asaf,

Amos 6:5

Un joma goyo thum kaka Daudi nogoyo kendo uchuogo wende mag nyatiti.

Kwan 1:8

koa kuom joka Isakar, kaw Nethanel wuod Zuar;