Nahum 3:19 - Motingʼo Loko Manyien

¹⁹ Onge gima nyalo chango adhondeni, ihinyori marach. Ji duto mowinjo wach man kuomi pamo lwetgi kuom podho mari, nimar ere ngʼama pok oneno sand ma ok rum mane isandogo ji?

MUMA MALER 2015

¹⁹ Adhondeni ok nyal chango, nimar gidhi marach. Ji duto mowinjo gima otimoreni biro pamo lwetgi gi mor, nimar onge kata ng’at achiel e piny ngima ma pok isebedo kisando.

Nahum 3:19 ပူးပေါင်းရင်းမြစ်များ

Ayub 27:23

Yamo nokudh kuomgi ka giringo kendo tekone malich nomi kihondko makgi.”

Isaya 37:11

Adier isewinjo gik ma ruodhi mag Asuria osetimo ni pinjeruodhi duto kotiekogi chuth. In to iparo ni ibiro tony?

Isaya 37:18

“En adier, yaye Jehova Nyasaye, ni ruodhi mag Asuria osetieko ogendini mangʼenygi ma giweyo pinjegi gunda.

Jeremia 10:22

Chik iti! Wach biro niya, tungni maduongʼ koa e piny man yo nyandwat! Anami dala mag Juda odongʼ nono, kama ondiegi ema odakie.

Jeremia 30:12

“Ma e gima Jehova Nyasaye wacho: “ ‘Adhola mari ok nyal thiedhi, hinyruok mari okalo chango.

Jeremia 46:11

“Dhiyo nyaka Gilead kendo imany yath, yaye Nyar Misri Mangili. To kata obedo ni imedo manyo yedhe to imenyo kayiem kendo ok inichangi.

Ywagruok 2:15

Ji duto makadho buti pamo ni lwetegi; gijari kendo gikino wigi kuom gigo mosetimorene Nyar Jerusalem, ka gipenjore niya, “Bende ma e dala maduongʼ ma yande ongʼere ni dala maler, kendo mor mar piny mangima?”

Ezekiel 25:6

Nimar ma e gima Jehova Nyasaye Manyalo Gik Moko Duto wacho: Nikech usepamo lweteu kendo usegoyo tiendeu piny, kuhimo piny Israel gie chunyu kendo umor ka gineno malit,

Jona 1:2

“Wuogi idhiyo e dala maduongʼ mar Nineve, mondo iyalne kisieme nikech timbene mamono osechopo e nyima.”

Mika 1:9

Nikech adhondene ok thiedhre; kata mana Juda adhondenego osemako. Masira osechopo nyaka e dhoranga joga, nyaka ei Jerusalem.

Fweny 13:7

Bende nomiye teko mondo oked gi jomaler mag Nyasaye kendo ologi, kendo nomiye loch kuom dhoudi duto, gi ogendini kod dhok duto miwacho gi pinje duto.

Fweny 17:2

En ema ruodhi mag piny noterore kode, kendo ji duto modak e piny bende osemadho divai mar terruokne mi omer.”

Fweny 18:20

“Yaye polo bed mamor kuom kethne. Un jomaler mag Nyasaye gi joote kod jonabi, beduru mamor! Nyasaye osengʼadone bura kendo kume nikech timbe mane otimonu.”