Nahum 3:17 - Motingʼo Loko Manyien

¹⁷ Joritou chalo det bonyo, jotendu to chalo gi det bonyo mochokore mathoth kabiro, kendo piyo e kor ot ka piny ngʼich, to ka chiengʼ owuok to gihuyo gidhi kuma mabor maonge ngʼama ongʼeyo.

MUMA MALER 2015

¹⁷ kendo jodongu kod jotendu chokore kaachiel mana ka dede mopoto e chiel ka koyo ng’ich. To giduto gibiro ringo mi gilal nono mana ka det bonyo ma ringo ka chieng oowo piny, kendo onge ng’ama ong’eyo kuma gidhiye.

Nahum 3:17 ပူးပေါင်းရင်းမြစ်များ

Jeremia 51:27

“Tingʼuru bandera e piny! Gouru turumbete e dier ogendini! Ikuru ogendini mondo oked kode; luonguru pinjeruodhigi Ararat, Mini kod Ashkenaz mondo oked kode. Yieruru jatend lweny mondo oked kode; oruru farese mangʼeny ka bonyo.

Ezekiel 31:12

Ne asedage kendo jopinje moko mager notongʼe mowite kucha. Bedene madongo nopodho ewi gode kendo ei holni duto; bedene mamoko noriere piny kotur otur e holni madiny mag piny. Ogendini duto mag piny nowuok oa e bwo tipone modar oweye.

Nahum 2:9

Yakuru fedha! Yakuru dhahabu! Mwandugi ngʼeny mokadho, gin mwandu mogol kuonde kenogi duto.

Fweny 9:7

Bonyogo ne chalo gi farese moikore ni lweny. E wigi negirwako gik machalo gi osimbo mag dhahabu, to lend wangʼ-gi ne chalo gi lela wangʼ dhano.