Mika 7:15 - Motingʼo Loko Manyien

¹⁵ “Mana kaka ndalo mane ua Misri, abiro nyisogi timbena madongo miwuoro.”

MUMA MALER 2015

¹⁵ Timnwa honni kaka nitimo e kinde mane iwuokie Misri.

Mika 7:15 ပူးပေါင်းရင်းမြစ်များ

Zaburi 68:22

Ruoth wacho niya, “Abiro gologi oko Bashan; abiro gologi oko kama tut mar nam,

Wuok 3:20

Kuom mano, abiro rieyo bada mi agoo jo-Misri gi kit masiche duto ma anakel e diergi. Bangʼ mano, to enoyienu mondo udhi.

Wuok 34:10

Eka Jehova Nyasaye nowacho niya, “Atimo kodi singruok. E nyim jogi duto abiro timo honni madongo mapok otimie oganda moro amora e piny. Jogo mudak e kindgi biro neno kaka timbe ma an Jehova Nyasaye abiro timo dongo.

Isaya 11:16

Wangʼ yo maduongʼ nobedi ne joge manok mane odongʼ koa e piny Asuria, mana kaka wangʼ yo nobedone jo-Israel kawuok Misri.

Isaya 51:10

Donge in ema nomiyo nam oduono, ma gin pige mano chokore kuonde matut, kendo niloso yo e kind nam matut mondo joma ne ireso ongʼadi kadhi loka cha?

Isaya 51:9

Aa malo, Aa malo! Jiw badi motegno, yaye Jehova Nyasaye; aa malo kendo ijiwri, mana kaka ne ijiwori chon e ndalo mokadho. Donge in ema nitieko ondiek nam miluongo ni Rahab, mingʼado matindo tindo?