Mika 6:1 - Motingʼo Loko Manyien

¹ Winj gima Jehova Nyasaye wacho: “Chungʼ malo, ket kwayoni e nyim gode; thuche mondo owinj wach ma in-go.

MUMA MALER 2015

¹ Winjuru kaka Ruoth Nyasaye yalo jo-Israel. A Ruoth Nyasaye, bi mondo ihul wachni ka gode winjo kendo bedo joneno.

Mika 6:1 ပူးပေါင်းရင်းမြစ်များ

Zaburi 50:1

Jal Manyalo Duto, Nyasaye ma en Jehova Nyasaye, wuoyo kendo luongo ji duto modak e piny mondo ochokrene kaachiel, chakre wuok chiengʼ nyaka podho chiengʼ.

Zaburi 50:4

Oluongo joma odak e polo malo kaachiel gi joma odak e piny, mondo oyal joge:

Isaya 1:2

Winji yaye polo! Chik iti, yaye piny! Nikech Jehova Nyasaye osewuoyo: asepidho nyithindo mobedo madongo, to gisepiem koda.

Isaya 3:13

Jehova Nyasaye osebedo e kom bura mondo ongʼad bura ne oganda.

Jeremia 13:15

Winji kendo ichik iti, kik ibed jangʼayi, nimar Jehova Nyasaye osewuoyo.

Jeremia 22:29

Yaye piny, piny, piny, winj wach Jehova Nyasaye!

Ezekiel 36:1

“Wuod dhano, kor wach kuom gode mag Israel, kendo wachnegi ni, ‘Yaye gode mag Israel, winjuru wach Jehova Nyasaye.

Ezekiel 36:8

“ ‘To un, joga Israel, yien nochak odong e gode mag Israel, mi nyagnu olembe, nikech ubiro dok e piny machiegni.

Ezekiel 37:4

Eka nowachona niya, “Kor wach ni chokegi kiwachonegi niya, Choke motwo, winjuru wach Jehova Nyasaye!

Ezekiel 6:3

kiwacho ni, ‘Yaye gode mag Israel, winjuru wach Jehova Nyasaye Manyalo Gik Moko Duto. Ma e gima Jehova Nyasaye Manyalo Gik Moko Duto wacho ni gode madongo gi matindo, kendo ni bugni gi holni: Achiegni kelo ligangla mabiro kidhou, kendo abiro ketho kuonde motingʼore malo magu.

Amos 3:1

Un oganda jo-Israel duto mane agolo e piny Misri, winjuru wach ma an Jehova Nyasaye awachonu:

Mika 1:2

Winjuru, yaye un ogendini duto. Chik iti yaye piny gi ji duto modakie iye, mondo Jehova Nyasaye mar oganda lweny obed janeno kuomu, mondo Ruoth Nyasaye otim kamano gie hekalu mare maler.

Mika 1:4

Gode noleny e bwoye kendo holni nobarore kapogore koni gi koni, mana ka odok mobolie mach, kendo mana ka pi maburore koa ewi thur.

Mika 5:15

Anachul kuor gi mirima kod gero kuom ogendini ma osedagi luora.”

Mika 6:2

“Un gode, winjuru wach ma Jehova Nyasaye nigo kodu, chikuru itu un mise mochwere mag piny. Nikech Jehova Nyasaye nigi wach kod joge; en gi bura gi jo-Israel.

Luka 19:40

Nodwoko niya, “Awachonu ni, kata ka dine gilingʼ, to kitegi biro goyo koko.”

Rapar mar Chik 32:1

Chikuru itu kawuoyo, yaye polo; to in piny winj weche mawuok e dhoga.

Rapar mar Chik 4:26

to aluongo polo gi piny mondo obed joneno kuomu kawuono, ni ubiro rumo mapiyo nono e piny ma ubiro kawo loka Jordan.

1 Samuel 12:7

Koro sani, chungʼuru ka, mondo anyisu ratiro kendo aparnu e nyim Jehova Nyasaye timbe duto makare mane otimonu kaachiel gi wuoneu.

1 Samuel 15:16

Samuel nowachone Saulo niya, “Lingʼ thi! We mondo anyisi gima Jehova Nyasaye nowachona otieno mokalo.” Saulo nodwoko niya, “Nyisawa.”