Mika 5:9 - Motingʼo Loko Manyien

⁹ Notingʼ lweti malo kiseloyo wasiki, kendo joma kedo kodi duto notieki.

MUMA MALER 2015

⁹ Jo-Israel biro loyo wasikgi mi tiek pep.

Mika 5:9 ပူးပေါင်းရင်းမြစ်များ

Zaburi 10:12

Aa malo yaye Jehova Nyasaye! Tingʼ badi malo, yaye Nyasaye. Kik wiyi wil gi joma ok nyal.

Zaburi 106:26

Emomiyo ne osingorenegi kosiemogi gi lwete nine obiro miyo gipodhi e thim,

Zaburi 21:8

Lweti biro mako wasiki duto; lweti ma korachwich biro ndhiyo joma kedo kodi.

Isaya 1:25

Anachwadu gi masiche kendo anapwodhu maler, mi agol timbeu mamono duto.

Isaya 11:14

Ginimonj jo-Filistia kagiwuok yo podho chiengʼ, kendo giniriwre ka giyako gige ji nyaka yo wuok chiengʼ. Ginikaw piny Edom kod Moab, Jo-Amon to nobed wasumbinigi.

Isaya 26:11

Yaye Jehova Nyasaye, isetingʼo badi malo, to ok gine. We mondo gine geno ma in-go, kuom jogi mi giyud wichkuot, kendo mad mach mokan ne wasiki wangʼ-gi duto.

Isaya 33:10

Jehova Nyasaye wacho niya, “Koro abiro aa malo, mondo anyisu duongʼna gi tekona.

Isaya 37:36

Eka malaika mar Jehova Nyasaye ne owuok mi odhi onego ji alufu mia achiel gi piero aboro gabich e kambi mar jo-Asuria. Kane ji ochiewo gokinyi negiyudo mana ringre joma otho!

Hagai 2:22

Abiro loko loch mag ruodhi; kendo abiro ketho teko mag pinje mamoko, abiro goyo geche mag lweny piny, kaachiel gi joma oidhogi. Ngʼato ka ngʼato biro kedo gi owadgi, kendo farese kod joma oidhogi nonegi.

Zekaria 9:10

Abiro golo geche mag lweny oko e Efraim gi farese mag lweny bende abiro golo Jerusalem, kendo atunge mag lweny ibiro tur. Obiro kelo kwe ni ogendini. Lochne biro chakore e bath nam konchiel nyaka komachielo, kendo kochakore e Aora Yufrate nyaka e giko mar piny.

Luka 19:27

To keluru wasikago ka mane ok dwar mondo abed ruodhigi mondo uneg-gi e nyima.’ ”

1 Jo-Korintho 15:25

nimar Kristo nyaka bed gi loch nyaka chop Nyasaye lo wasigu duto, mi oketgi e bwo tiende.