Mika 4:12 - Motingʼo Loko Manyien

¹² To gikia pach Jehova Nyasaye. Ok giwinj chenrone, En ema ochokogi ka cham midino e dier ot.

MUMA MALER 2015

¹² To ogendinigo ok ong’eyo gima Ruoth Nyasaye paro. Gikia ni ochano chokogi mondo okumgi, mana kaka ichoko cham midwaro dino!

Mika 4:12 ပူးပေါင်းရင်းမြစ်များ

Zaburi 147:19

Osenyiso Jakobo wachne, ee, osenyiso Israel chikene gi buchene.

Zaburi 147:20

Onge oganda moro machielo mosetimone kamano kendo gin ok gingʼeyo chikene. Pakuru Jehova Nyasaye!

Isaya 10:7

To mae ok e gima oparo timo to bende ma ok e gima ni e pache; to dwarone en ketho kendo tieko ogendini mangʼeny.

Isaya 21:10

Yaye ogandana mosenyon piny ka cham midino anyisou gima asewinjo koa kuom Jehova Nyasaye Maratego, ma Nyasach Israel.

Isaya 29:7

Eka ogendini mag pinje duto makedo gi Ariel, mamonjo kuondege motegno kendo lwore, biro chalo mana ka lek kata ka fweny mar otieno,

Isaya 55:8

“Nimar parona ok e paroni bende yorena ok e yoreni,” Jehova Nyasaye owacho.

Jeremia 29:11

Nimar Jehova Nyasaye wacho niya, “Angʼeyo chenro ma an-go kodu. Chenro mar dhi maber to ok mar hinyou, chenro mar miyou geno kod ngima mabiro.

Jeremia 51:20

“In e odungana mar lweny, gira mar kedo, in ema atiekogo ogendini, in ema akethogo pinjeruodhi,

Jeremia 51:33

Ma e gima Jehova Nyasaye Maratego, ma Nyasach Israel, wacho: “Nyar Babulon chalo gi kar dino e seche minyone; kinde ma ikaye chiegni chopo.”

Joel 3:2

Abiro choko pinje duto mi akelgi mwalo e Holo mar paw Jehoshafat. Kanyono ema anangʼad nigi e bura, kuom girkeni mara, ma gin joga ma jo-Israel, nikech negikeyo joga e kind pinje kendo gikawo pinya gipogo.

Luka 3:17

Odheru mare mar piedho cham ni e lwete mondo opiedhgo cham duto maler e kar dino cham, kendo ochok cham koketo e deche, to obiro wangʼo mihudhi gi mach ma ok nyal negi.”