Mika 2:8 - Motingʼo Loko Manyien

⁸ E ndalogi, joga oselokore wasik ji. Ulonyo oko lewni ma nengogi tek kuom joma kadho ka ok udewo, mana ka joma odwogo oa e lweny.

MUMA MALER 2015

⁸ To Ruoth Nyasaye dwoko niya, “To donge un ema uselokoru wasik joga? Joma duogo gi kue kaa e lweny ka paro ni masira orumo, umayo lopegi.

Mika 2:8 ပူးပေါင်းရင်းမြစ်များ

2 Samuel 20:19

Wan joma odak gi kwe kendo ma jo-adiera e piny Israel ka. In to itemo mondo iketh dala maduongʼ man Israel. Angʼo momiyo idwaro tieko oganda Jehova Nyasaye?”

Zaburi 55:20

Jawuodha monjo osiepene; oseketho singruok mane otimo kodgi.

Isaya 9:21

Manase biro chamo Efraim kendo Efraim nocham Manase; giduto ginibed wasik Juda. Kata ka magi duto osetimore, to mirimbe pod ok orumo kuomgi kendo pod odhi nyime mana gikumogi.

Jeremia 12:8

Girkeni osebedona ka sibuor manie bungu. Orutona; omiyo amon kode.

Mika 3:2

Umon gi gik mabeyo to uhero gik maricho; ukidho pien joga oko ka uyiecho ringʼo oko e chokegi.

Mika 3:3

Uchamo ringre joga, uyiecho pien dendgi, kendo utoyo chokegi matindo tindo. Ukengogi ka ringʼo midwa chielo, ka ringʼo midwa tedo e agulu?”

Mika 7:2

Joma oluoro Nyasaye bende osetieki morumo e piny; ja-ratiro onge kata mana achiel modongʼ. Ji duto pondo karito mondo ochwer remo, moro ka moro manyo nyawadgi mondo odwodi.

Mika 7:3

Lweteni duto ariyo olony e timo richo. Jatelo dwaro mich githuon, jangʼad bura kawo asoya, jogi maroteke chuno ji gi timo gigegi magidwaro, giduto kaachiel giwinjore e wachni.