Mathayo 9:3 - Motingʼo Loko Manyien

³ Kuom mano jopuonj chik moko nowacho kendgi giwegi niya, “Ngʼatni yanyo Nyasaye!”

MUMA MALER 2015

³ To jopuonj Chik moko noparo e chunygi giwegi ni, “Jali yanyo Nyasaye!”

Mathayo 9:3 ပူးပေါင်းရင်းမြစ်များ

Tim jo-Lawi 24:16

to ngʼato angʼata moyanyo nying Jehova Nyasaye nyaka negi. Oganda duto nyaka chiele gi kite, bed ni en ja-Israel kata jadak, to koseyanyo nying Jehova Nyasaye to nyaka nege.

Kwan 15:30

“ ‘To ka ngʼato otimo richo gi wangʼ matek, bed ni en japinyno kata japiny moro, to ojaro Jehova Nyasaye, kendo ngʼat makamano onego ogol oko e dier jogi.

Mathayo 26:65

Eka jadolo maduongʼ noyiecho lepe, kowacho niya, “Oseyenyo! Pod wadwaro joneno mamoko nangʼo? Neuru, koro wasewinjo gi itwa ayanjeno.

Mathayo 7:29

nikech nopuonjo ka ngʼat man-gi teko, to ok ka jopuonjgi mapile mag chik.

Mariko 14:64

Un uwegi usewinjo koyanyo Nyasaye. Uparo nade?” Giduto ne gikwede kaka ngʼat mowinjore githo.

Mariko 3:28

Awachonu adier ni richo kod yanyo Nyasaye ma dhano osetimo nowenegi.

Mariko 3:29

To ngʼato angʼata ma yanyo Roho Maler ok nowene richone ngangʼ, nikech oseketho ketho mochwere.”

Mariko 7:21

Nikech chuny dhano ema richo duto wuokie kaka: paro maricho, chode, kuo, nek, terruok,

Luka 5:21

Jo-Farisai gi jopuonj Chik nochako paro kendgi giwegi niya, “Mae to en ngʼa ma yanyo Nyasaye? Ere ngʼat manyalo weyone ngʼato richone makmana Nyasaye kende?”