Mathayo 9:26 - Motingʼo Loko Manyien

²⁶ Wach gima notimoreno nolandore e gwengʼno duto.

MUMA MALER 2015

²⁶ Bang’e humb wachno nolandore e gweng’no duto.

Mathayo 9:26 ပူးပေါင်းရင်းမြစ်များ

Mathayo 4:24

Humbe nolandore e piny Siria duto, kendo ji nokelone joma ne tuo gi kit tuoche mayoreyore gi joma ne nigi rem mapek gi joma ne nigi jochiende gi joma ne chunygi yudhore kod joma ne nigi athany, mi nochangogi.

Mathayo 9:31

To gin negidhi mi gikeyo wach kuome e gwengʼno duto.

Mariko 1:28

Humb Yesu ne olandore piyo piyo e gwenge duto molworo Galili.

Mariko 1:45

Kar timo kamano to ngʼatni nochako lando wachno e sa nogo mane oa ir Yesu. Kuom mano Yesu koro ne ok nyal donjo ayanga e dala moro amora, to nodak mana oko kuonde ma ji ongee. To kata kamano ji ne pod biro ire koa kuonde duto.

Mariko 6:14

Ruoth Herode nowinjo wechegi, nikech nying Yesu koro noselandore mongʼere malach. Jomoko ne wacho kuom Yesu niya, “Johana Ja-batiso osechier oa kuom joma otho, kendo mano emomiyo teko mar timo honni ni e ngimane.”

Luka 4:14

Yesu nodok Galili gi teko mar Roho, kendo wachne nolandore e gwenge duto moluoro Galili.

Luka 4:37

To humb Yesu ne olandore e alwora duto kuonde mokiewo gi gwengʼ mane entie.

Luka 5:15

To kata kamano humbe nomedo landore moloyo, momiyo oganda mag ji nobiro winje kendo mondo ochang tuochegi.

Luka 7:17

Wach maberni mar Yesu nolandore e Judea mangima kod gwenge mokiewo kode.

Tich Joote 26:26

Kata Ruoth Agripa ongʼeyo wechegi maler, omiyo anyalo wuoyo kode gi chir. Angʼeyo maonge kiawa ni wechegi duto ok opondone, nikech ok osetimgi lingʼ-lingʼ.