Mathayo 9:17 - Motingʼo Loko Manyien

¹⁷ Kamano bende, ji ok nyal olo divai manyien e piende moti mag tingʼo divai. Ka gitimo kamano to piendego biro barore, mi divai pukre oko, kendo piende mag tingʼo divai biro kethore. Ooyo, giolo divai manyien e piende mag tingʼo divai manyien, eka iritogi maber giduto kargi ariyo.”

MUMA MALER 2015

¹⁷ Bende divai manyien mapok ochiek ok nyal ol e ndede moti, nikech ka otim kamano, to ndede diyiechi, mi kethre, kendo divai pukre. Kuom mano, divai manyien iolo mana e ndede manyien, eka divai gi ndede ok kethre.”

Mathayo 9:17 ပူးပေါင်းရင်းမြစ်များ

Ayub 32:19

bende achalo gi chupa ma divai opongʼo iye kendo ka pien divai manyien madwaro barore.

Zaburi 119:83

Kata obedo ni achalo pien tingʼo divai molier e iro, to wiya pok owil gi chikeni.

Mathayo 9:16

“Onge ngʼama twangʼo rabaw mar law manyien kuom law moti, nimar rabaw mar law manyien-no biro mich mi ywa law machon-no, mi omed yiech moloyo.

Mathayo 9:18

Kane oyudo owacho wechegi, jatelo moro nobiro mokulore e nyime kawacho niya, “Nyara otho machiegni. To yie ibi iket lweti kuome mondo obed mangima.”

Mariko 2:22

Bende onge ngʼama olo divai manyien e piende moti mag tingʼo divai. Ka otimo kamano to divai manyien-no nyalo yiecho piend divaino mi divai pukre kendo piend divai kethre. Ooyo, divai manyien nyaka ol mana e piende manyien mag tingʼo divai.”

Luka 5:37

Bende onge ngʼama olo divai manyien e piende moti mag tingʼo divai. Ka otimo kamano, divai manyien nyalo yiecho piend divaino mi divai pukre kendo piend divai biro kethore.

Luka 5:38

Ooyo, divai manyien nyaka ol mana e piende mag tingʼo divai manyien.

Joshua 9:4

negiparo mondo giwuonde. Negidhi kaka jogo man-gi punde motingʼo ogunde moti gi piende divai moti kendo obaw.