Mathayo 9:12 - Motingʼo Loko Manyien

¹² Kane Yesu owinjo mano, nowachonegi niya, “Joma ngima ok ema dwar jathieth makmana joma tuo.

MUMA MALER 2015

¹² To Yesu nowinjo ka gipenjo kamano, omiyo nowachonigi niya, “Joma ngima ok dwar jathieth, to mak mana joma tuo ema dwaro.

Mathayo 9:12 ပူးပေါင်းရင်းမြစ်များ

Zaburi 147:3

Ochango joma chunygi tuo kendo othiedho adhondegi.

Zaburi 41:4

Ne awacho niya, “Yaye Jehova Nyasaye, kecha; changa, nikech aseketho e nyimi.”

Zaburi 6:2

Kecha, yaye Jehova Nyasaye, nikech aol; changa, yaye Jehova Nyasaye, nikech chokena rama malit.

Jeremia 17:14

Changa, yaye Jehova Nyasaye, kendo anachangi; resa kendo anaresra, nimar in kendi ema apaki.

Jeremia 30:17

Anamiyi ngima maber kendo anathiedh adhondeni,’ Jehova Nyasaye ema owacho, ‘nikech iluongi ni ngʼama owit oko, Sayun maonge ngʼama dewo.’

Jeremia 33:6

“ ‘Kata kamano, anamigi ngima kendo chang; anachang joga kendo anami gibed gi mor kuom kwe mathoth kod rit mogundho.

Jeremia 8:22

Yath tinde orumo Gilead koso? Jathieth tinde onge kanyo koso? Kare ere gima omiyo adhond joga ok nyal chango?

Hosea 14:4

“Anachang-gi kuom baro margi mane gibarogo, kendo anahergi maonge achuna, nimar mirimba osewuok kuomgi.

Mathayo 18:11

Nikech Wuod Dhano osebiro mondo owar joma olal.]

Mariko 2:17

Kane Yesu owinjo mano nowachonegi niya, “Joma ngima ok ema dwar jathieth makmana joma tuo. Ok ne abiro mondo aluong joma kare, to nabiro mondo aluong joricho.”

Luka 5:31

Yesu nodwokogi niya, “Joma ngima ok ema dwar jathieth makmana joma tuo.

Luka 8:43

To dhako moro ne ni kanyo mane osebedo ka iye chwer kuom higni apar gariyo to onge ngʼat mane nyalo change.

Luka 9:11

to oganda nowinjo mano kendo ne giluwe. Norwakogi kendo nowuoyo kodgi kuom loch mar pinyruoth Nyasaye, kendo nochango jogo mane dwaro chang.

Jo-Kolosai 4:14

Osiepwa mwageno ma Luka jathiethwa kod Dema jomosou.