Mathayo 7:24 - Motingʼo Loko Manyien

²⁴ “Emomiyo ngʼato angʼata mawinjo wechenagi kendo otimogi chalo gi ngʼama riek mane ogero ode e lwanda.

MUMA MALER 2015

²⁴ “Mano emomiyo ng’at mowinjo wechenagi, mi orito, chalo gi ng’at mariek mane ogero ode ewi lwanda.

Mathayo 7:24 ပူးပေါင်းရင်းမြစ်များ

Ayub 28:28

Kendo nowachone dhano ni, ‘Luoro Ruoth Nyasaye kelo rieko, kendo ka idwaro bedo gi ngʼeyo to nyaka iwe richo!’ ”

Zaburi 111:10

Luoro Jehova Nyasaye e chakruok mar rieko; ji duto moluwo buchene nigi winjo maber. En kende ema owinjore yudo pak manyaka chiengʼ.

Zaburi 119:130

Wachni koler tiende to kelo ler, omiyo joma riekogi tin bedo gi winjo.

Zaburi 119:99

An gi winjo moloyo jopuonjna duto, nimar arito chikeni.

Ngeche 10:25

Ka auka mager ofuto, to joricho otieko; to joma kare chungo motegno nyaka chiengʼ.

Ngeche 10:8

Ngʼat mariek e chunye rwako chike, to ngʼat mofuwo ma wachne ngʼeny dhi e kethruok.

Ngeche 12:7

Joricho osewiti kendo gilal nono, to od ngʼat makare osiko ogurore motegno.

Ngeche 14:8

Rieko mar jorieko en bedo gi paro ne yoregi, to fup joma ofuwo en wuondruok.

Mathayo 12:50

Nimar ngʼato angʼata matimo dwaro mar Wuora manie polo e owadwa gi nyaminwa kod minwa.”

Mathayo 16:18

Kendo anyisi ni in Petro, kendo e lwandani ema abiro gere kanisana, kendo dhorangeye mag Gehena (tiende ni teko mar tho) ok noloye ngangʼ.

Mathayo 24:45

“Kare jatich ma ja-adiera kendo mariek en ngʼa, ma ruodhe omiyo tich mar rito jotije manie ode, ka miyogi chiembgi e sa mowinjore?

Mathayo 25:2

Abich kuomgi nofuwo, to abich ne riek.

Mathayo 25:4

To mago mariek to notingʼo mafuta e kubni kaachiel gi techegi.

Mathayo 25:9

“To negikwerogi ni, ‘Ooyo, sa moro mafuta ma wan-go ok nyal romowa kaachiel kodu. Gima ber en ni dhiuru ir joma uso mafuta mondo ungʼiew maru kuomgi.’

Mathayo 7:25

Koth nochwe maduongʼ, aore nopongʼ mogingore, kendo yamo nokudho matek mogoyo odno; to kata kamano ne ok opodho, nikech mise mare ne ni e lwanda.

Mathayo 7:26

To ngʼato angʼata mawinjo wechenagi to ok otimgi chalo gi ngʼat mane ogero ode e kwoyo.

Luka 11:28

Nodwoko niya, “Jogo mogwedhi gin mana joma winjo wach Nyasaye kendo rito.”

Johana 13:17

Nikech koro ungʼeyo wechegi, nogwedhu kutiyo kodgi.”

Johana 14:15

“Ka uhera to ubiro timo gima achikou.

Johana 15:10

Ka urito chikena, to ubiro siko e herana, mana kaka an bende aserito chike Wuora kendo asiko e herane.

Johana 15:14

Un osiepena mana kutimo gik ma achikou.

Jo-Rumi 2:13

Ok mana joma ongʼeyo Chik ema nikare e nyim Nyasaye, to makmana jogo matimo gima chik dwaro ema ibiro keto kare.

1 Johana 2:3

Ka warito chike Nyasaye eka wabedo gi ratiro ni wangʼeye.