Mathayo 6:32 - Motingʼo Loko Manyien

³² Nimar jopiny ema chandore ka dwaro gigi duto; to bende Wuonu manie polo ongʼeyo ni udwaro gigi duto.

MUMA MALER 2015

³² Mago e gik ma joma kia Nyasaye chandore kadwaro. Un to Wuonu manie polo ong’eyo ni onego uyudgi duto.

Mathayo 6:32 ပူးပေါင်းရင်းမြစ်များ

1 Ruodhi 19:6

Nongʼicho kendo noyudo makati matin maliet motedi gi makaa koketi but wiye kod pi e agulu. Nochiemo mometho eka bangʼe kendo nodok monindo.

Zaburi 103:13

Mana kaka wuoro kecho nyithinde, e kaka Jehova Nyasaye kecho joma omiye luor;

Zaburi 17:14

Yaye Jehova Nyasaye, resa e lwet joma kamago gi lweti, resa e lwet jopinyni ma pokgi ni e pinyni. Itieko kech ma joma ihero nigo; yawuotgi nigi chiemo mangʼeny, kendo gikano mwandu ne nyithindgi.

Jeremia 45:5

Bende inyalo dwaro gik madongo ne in owuon? Kik idwargi. Nimar anakel masira ne ji duto, Jehova Nyasaye wacho, to kamoro amora midhiyoe anares ngimani.’ ”

Mathayo 6:8

Kik uchal kodgi, nikech Wuonu ongʼeyo gik muchando kata kapok ukwaye.

Luka 12:30

Nimar jopiny ema chandore ka dwaro gigi duto, to bende Wuonu ongʼeyo ni udwaro gigi duto.

Jo-Efeso 4:17

Kuom mano, awachonu ka aramo kuom Ruoth, ni neuru ni ok uwuothi kaka jopiny makia Nyasaye wuotho ka pachgi modinore wuondogi.

Jo-Filipi 4:19

To Nyasacha biro miyou gik moko duto muchando, kogolo kuom mwandune maduongʼ manie Kristo Yesu.

1 Jo-Thesalonika 4:5

ma ok oyie mondo ringre oowre gi gombo mathoth kaka jopiny makia Nyasaye timo.