Mathayo 5:48 - Motingʼo Loko Manyien

⁴⁸ Kuom mano, beduru malongʼo chuth mana kaka Wuonu manie polo longʼo chuth.

MUMA MALER 2015

⁴⁸ Emomiyo nyaka ubed malong’o chuth, mana kaka Wuonu mae polo long’o.

Mathayo 5:48 ပူးပေါင်းရင်းမြစ်များ

Chakruok 17:1

Kane Abram ne ja-higni piero ochiko gochiko, Jehova Nyasaye nofwenyorene mi nowachone niya, “An Nyasaye Maratego; bed ngʼama odimbore e nyima kendo maonge ketho.

2 Samuel 22:31

“Yor Nyasaye en yo malongʼo; wach Jehova Nyasaye onge ketho. En okumba ni jogo duto mopondo kuome.

Zaburi 37:37

Ne kit ngima joma onge ketho, non chal joma ngimagi oriere tir, ngʼama ohero kwe nigi geno mar dak amingʼa.

Tim jo-Lawi 11:44

An Jehova Nyasaye ma Nyasachu, kuom mano pwodhreuru kendo ubed jomaler, nikech an aler. Kik uchidru gi gimoro amora mamol kata malak e lowo.

Tim jo-Lawi 19:2

“Wuo gi kanyakla mar Israel duto kendo inyisgi ni: ‘Beduru maler nikech an Jehova Nyasaye ma Nyasachu aler.

Tim jo-Lawi 20:26

Nyaka ubed maler e nyima nikech an Jehova Nyasaye aler, kendo asewalou e kind ogendini mondo ubed joga awuon.

Mathayo 5:16

Un bende timuru kamano. Neuru ni ler maru rieny e dier ji, mondo gine timbeu mabeyo kendo gipak Wuonu manie polo.

Mathayo 5:45

mondo eka ubed yawuot Wuonu manie polo. En omiyo chiengʼ mare wuok ni joma richo gi joma beyo machalre, kendo ooro koth ne joma kare gi joma ok kare.

Mathayo 5:47

To ka umoso mana oweteu kende to en angʼo mutimo moloyo joma moko? Donge kata jopiny bende timo kamano?

Luka 6:36

Beduru mangʼwon, mana kaka Wuonu ngʼwon.

Luka 6:40

Japuonjre ok duongʼ moloyo japuonjne, to ngʼato ka ngʼato motiegi chuth biro bedo machal gi japuonjne.

2 Jo-Korintho 13:11

Mogik owetena, oritiuru. Beduru joma kare, winjuru wechena, beduru gi paro achiel, kendo beduru gi kwe. Eka Nyasach hera kod kwe nobed kodu.

2 Jo-Korintho 13:9

Nikech wan wamor ka wanyap, to un utek. Omiyo walamonu mondo ubed joma kare.

2 Jo-Korintho 7:1

Koro osiepena mageno, nikech wan gi singruokgi, wapwodhreuru kuom gik moko duto machido ringruok gi chuny mondo wadok jomaler chuth nikech waluoro Nyasaye.

Jo-Efeso 3:1

Mano emomiyo an Paulo asedoko misumba Kristo Yesu nikech un joma ok jo-Yahudi.

Rapar mar Chik 18:13

Nyaka ubed maonge ketho e nyim Jehova Nyasaye ma Nyasachu.

Rapar mar Chik 27:10

Luor Jehova Nyasaye ma Nyasachi kendo mondo iluw chikene kod buchene ma amiyi kawuono.”

Jo-Kolosai 1:28

Kristono e mwalando ne ji duto ka wasiemogi kendo wapuonjogi rieko duto, mondo water ji duto e nyim Kristo ka ler chutho.

Jo-Kolosai 4:12

Epafra ma jathuru kendo ma misumba Kristo Yesu bende omosou. Osiko olemonu matek ma ok oywe, mondo omi uchungʼ motegno, e dwaro Nyasaye duto kendo ka un gi adiera chutho.

Jakobo 1:4

To kinda nyaka chop kare chuth eka unyalo doko motegno ma ok uremo gimoro.

1 Johana 3:3

Ngʼato ka ngʼato man-gi genoni pwodhore owuon mondo osik koler mana kaka en bende oler.