Mathayo 5:25 - Motingʼo Loko Manyien

²⁵ “Los weche piyo piyo gi ngʼama odonjoni madwa teri e od bura. Tim kamano kapod un kode e yo, nono to onyalo keti e lwet jangʼad bura to jangʼad bura nyalo keti e lwet askari, kendo inyalo boli e od twech.

MUMA MALER 2015

²⁵ “Ka ng’ato odonjoni, to winjri kode piyo ka pod un e yo udhi e bura, nikech ka ok itimo kamano, to onyalo keti e lwet jang’ad bura, mi jang’ad bura chiwi ni askari, mi teri e jela.

Mathayo 5:25 ပူးပေါင်းရင်းမြစ်များ

Ayub 22:21

“Chiwri ni Nyasaye mondo ibed kode gi kwe, ma biro miyo idhi nyime maber.

Zaburi 32:6

Kuom mano, owinjore ji duto moluoro Nyasaye olami kapod inyalo yudi; adier ka pige madongo otugore, to ok gibi chopo ire,

Ngeche 25:8

Gima wangʼi oseneno kik ikel mapiyo kirikni e nyim od bura; nimar ibiro timo angʼo achien ka jabuti oketi e wichkuot?

Mathayo 26:58

To Petro noluwo bangʼe gichien, nyaka notundo e laru mar jadolo maduongʼ. Nodonjo kendo nobet piny kod jorito mondo one ane gima ne biro timore.

Luka 18:3

To ne nitie dhako ma chwore otho moro e dalano manobedo kadhiyo ire pile giywakne kakwaye ni, ‘Yie ingʼadna bura e kinda gi ngʼat ma hinyani!’

2 Jo-Korintho 6:2

Nikech Nyasaye wacho niya, “Ne awinji e ndalona mag kech; chutho ne akonyi e odiechiengʼ mar warruok.” Awachonu ni, ma e sa mar Nyasaye mowinjore, ma e odiechieng warruok.

Jo-Hibrania 12:17

Ungʼeyo ni bangʼe achien ka nodwaro mondo wuon mare ogwedhe to ne okwede. Noywak malit gi pi wangʼe mondo oyud gwethni to mano ok ne nyal loko paro mar wuon-gi kata matin.

Jo-Hibrania 3:13

To moloyo ngʼato ka ngʼato mondo ojiw nyawadgi pile pile kapod wan gi kinde miluongo ni Kawuono, mondo kik richo gal ngʼato kuomu mi chunye bed matek.

Jo-Hibrania 3:7

Kuom mano, mana kaka Roho Maler wacho niya, “Kawuono ka uwinjo dwonde,