Mathayo 28:7 - Motingʼo Loko Manyien

⁷ Eka mondo udhi mapiyo unyis jopuonjrene ni, ‘Osechier oa kuom joma otho kendo otelo e nyimu odhi Galili. Kuno ema ubiro nenee.’ Ero koro asenyisou.”

MUMA MALER 2015

⁷ eka udhi piyo, uwach ni jopuonjrene ni osechier oa kuom joma otho, kendo otelo nyimgi odhi Galili, kuma gibiro nenee. Koro ero, asewachonu!”

Mathayo 28:7 ပူးပေါင်းရင်းမြစ်များ

Isaya 44:8

Kik chunyi nyosre bende kik ibed maluor. Donge ne asewacho mae kendo ne afwenye chon? Un joneno maga. Bende nitiere Nyasaye moro ma ok An? Ooyo, onge Lwanda moro amora mangʼeyo.”

Isaya 45:21

Wach gima biro timore kendo yange e lela mondo mi gilalre kanyakla. En ngʼa mane ofwenyo wachni chon kendo mane owacho chon ni obiro timore? Donge ne en an, Jehova Nyasaye? Kendo onge Nyasaye moro makmana an, Nyasaye makare kendo ma Jawar; onge moro amora makmana an.

Mathayo 24:25

Ero, asenyisou chon kapok kindeno ochopo.

Mathayo 26:32

To bangʼ ka asechier to anatelnu adhi Galili.”

Mathayo 28:10

Eka Yesu nowachonegi niya, “Kik ubed maluor. Dhiuru unyis owetena mondo gidhi Galili; kuno ema gibiro nena.”

Mathayo 28:8

Omiyo mon-go noa e liel ka gireto, ka giluor to bende ka gipongʼ gi mor, kendo negiringo gidhi mondo ginyis jopuonjrene.

Mariko 14:28

To bangʼ ka asechier to anatelnu adhi Galili.”

Mariko 16:10

Maria nodhi monyiso jogo mane ni kode, jogo mane ywak kendo jogo mane dengo.

Mariko 16:13

Jogi noduogo monyiso joma moko wachni; to kata kamano ne ok giyie kodgi.

Luka 24:34

kagiwacho niya, “En adier! Ruoth osechier kendo osefwenyore ne Simon.”

Johana 14:29

Koro asenyisou kapok mano otimore, mondo ka gigo otimore to uyie.

Johana 16:4

Asewachonu wechegi mondo ka ndalo ochopo to upar ni nasesiemou motelo. Ne ok awachonu wechegi chon nikech ne pod an kodu.

1 Jo-Korintho 15:4

kendo ne oike, bangʼe ochiere oa kuom joma otho chiengʼ mar adek kaluwore gi Ndiko,

1 Jo-Korintho 15:6

Bangʼ mano nofwenyore ni jowete moloyo mia abich, ka gin kanyachiel, kendo thothgi pod ngima nyaka sani, kata obedo ni moko kuomgi osetho.