Mathayo 28:5 - Motingʼo Loko Manyien

⁵ Malaika nowachone mon-go niya, “Weuru luor, nikech angʼeyo ni umanyo Yesu mane ogur.

MUMA MALER 2015

⁵ To malaika nowacho ni mongo niya, “Kik ubed maluor. Ang’eyo ni udwaro Yesu ma nyocha ogur e msalaba,

Mathayo 28:5 ပူးပေါင်းရင်းမြစ်များ

Isaya 35:4

koneuru joma nigi chuny mool ni, “Beduru motegno kendo kik uluor; nimar Nyasachu biro biro, mondo ochul kuor ne wasiku, kaka owinjore kendo oresu.”

Isaya 41:10

Omiyo kik ibed maluor, nimar an kodi; bende kik kibaji goyi, nimar an Nyasachi. Abiro miyi teko kendo abiro konyi; bende abiro siri gi bada ma korachwich mar loch.”

Isaya 41:14

Kik ibed maluor, yaye Jakobo, kata obedo ni inenori ni iyomyom ka kudni kamano, yaye in Israel matin maonge ndhathe kik ibed maluor, nimar an awuon abiro konyi,” Jehova Nyasaye Maler mar Israel, ma Jawarni ema asewacho kamano.

Daniel 10:12

Nomedo wachona ni, Daniel, kik iluor. Odiechiengʼ mane ichake keto chunyi mar winjo tiend wachni, kendo kane ibolori e nyim Nyasachi, ema wechegi ne owinjie, kendo koro asebiro mondo akelni dwoko margi.

Daniel 10:19

Nowachona niya, “We luor, yaye in ngʼat ma Nyasaye ogeno ahinya. Bed gi kwe! Yud teko sani, bed motegno.” Ne ayudo teko e sa mane owuoyoe kodano, kendo nawacho niya, “Ruodha, wuo awuoya, nikech koro iseduogona teko.”

Mathayo 14:27

To Yesu nowachonegi gisano niya, “Beduru gi chir! En mana An. Kik uluor.”

Mathayo 28:10

Eka Yesu nowachonegi niya, “Kik ubed maluor. Dhiuru unyis owetena mondo gidhi Galili; kuno ema gibiro nena.”

Mathayo 28:4

Jorito ne luoro omako ahinya konene, mine gikirni, kendo negidoko machal gi joma otho.

Mariko 16:6

Wuowino nokwerogi niya, “Weuru bwok. Umanyo Yesu ja-Nazareth, mane ogur. Oonge ka, osechier! Neuru kamane gipiele.

Luka 1:30

To malaika nowachone niya, “Kik iluor Maria, nikech Nyasaye osetimoni ngʼwono.

Luka 24:5

Mon-go nobwok kendo negikulore ka wigi ochomo piny, to nowachonegi niya, “Angʼo momiyo umanyo ngʼat mangima e kind joma otho?

Tich Joote 2:24

Kata kamano, Nyasaye nochiere oa kuom joma otho, mi ogonye oa e rem malit mar tho, nikech kata mana tho ne ok nyal loye.

Jo-Hibrania 1:14

Donge malaike duto gin roho ma Nyasaye oketo mondo oti ni joma Nyasaye biro reso?