Mathayo 27:14 - Motingʼo Loko Manyien

¹⁴ To Yesu nolingʼ alingʼa ma ok odwoke kata wach achiel mane odonjnego, kendo mano nomiyo ruoth owuoro ahinya.

MUMA MALER 2015

¹⁴ To Yesu ne ok odwoko kata wach achiel, omiyo ruoth nowuoro ahinya.

Mathayo 27:14 ပူးပေါင်းရင်းမြစ်များ

Zaburi 71:7

Alokora gima bwogo ji mangʼeny to kata kamano in e kar pondo mara motegno.

Isaya 8:18

Eri an kaachiel gi nyithindo ma Jehova Nyasaye osemiya. Wan e ranyisi kod honni e piny Israel koa kuom Jehova Nyasaye Maratego modak e got mar Sayun.

Zekaria 3:8

“Jehova Nyasaye Maratego wacho niya, ‘Winji, yaye Joshua jadolo maduongʼ, in kaachiel gi jodolo weteni mobet piny e nyimi, ma gin ranyisi mag gik mabiro timore achien; ni abiro kelo jatichna ma en Bad yath.

Mathayo 26:63

To Yesu nolingʼ alingʼa thi. Jadolo maduongʼ nowachone niya, “Achiki mondo ikwongʼri gi nying Nyasaye Mangima ni inyiswa ka in e Kristo ma Wuod Nyasaye.”

Mathayo 27:12

Kane jodolo madongo gi jodongo odonjone, ne ok odwoko gimoro amora.

Mathayo 27:13

Eka Pilato nopenje niya, “Donge iwinjo neno ma jogi donjonigoni?”

Mariko 15:5

To Yesu nolingʼ alingʼa kendo ma ok odwoke, mi Pilato nohum nono.

Luka 23:9

Nopenje penjo mangʼeny, to Yesu ok nodwoko.

Johana 19:9

omiyo nochako odok e ode, mopenjo Yesu niya, “In jakanye?” To Yesu ne ok odwoke.

1 Jo-Korintho 4:9

Nikech nenorena ni Nyasaye oseketowa wan joote, ka joma odongʼ chien bangʼ ji, kendo mana ka joma osengʼadnegi buch tho mondo onegi e dier pap. Oseketwa wabedo joma piny duto rango kendo malaike kod ji bende rangowa.