Mathayo 26:8 - Motingʼo Loko Manyien

⁸ Ka jopuonjre noneno mano, ne gisin, mi giwacho niya, “Morni iketho malit kayiem nangʼo?

MUMA MALER 2015

⁸ To kane jopuonjrene oneno kamano, mirima nomakogi, mi gipenjore niya, “Morni iketho nang’o?

Mathayo 26:8 ပူးပေါင်းရင်းမြစ်များ

Wuok 5:17

Eka Farao nowacho niya, “Jonyawogi un mana jonyawo! Mano e gima omiyo usiko kuwacho ni, ‘Yie wadhi mondo wachiw misango ni Jehova Nyasaye.’

Eklesiastes 4:4

Kendo ne aneno ni tich matek duto kod ohala ma ngʼato yudo kuom tije timore mana nikech nyiego ma ngʼato nigo mar loyo nyawadgi. Ma bende onge tiende, ochalo gi lawo bangʼ yamo.

Amos 8:5

kuwacho niya, “Mad ndalo mag lemo mar dwe manyien rum piyo, mondo wayud thuolo mar uso cham.” Bende upenjoru niya, “Ndalo mag Sabato to biro rumo karangʼo mondo wagol chambwa warundi, eka wanyalo choro nengo malo, kendo tiyo gi rapim ma ok nikare, ma wawuondogo jongʼiewo!

Malaki 1:13

To uwacho kendu ni, ‘Mano tingʼ mapek manade!’ kendo utwenyo umu ka ujare,” Jehova Nyasaye Maratego owacho. “Ka ukelo jamni mohinyore, ma rangʼonde kata matuo kendo uchiwogi kaka misango, bende darwak gik moa e lwetu adier?” Jehova Nyasaye owacho.

Mathayo 20:24

Ka jopuonjre apar mamoko nowinjo wachno, to ne gisin gi jowete ariyogo.

Mathayo 26:7

dhako moro nobiro ire gi chupa mar alabasta, mopongʼ gi mo mangʼwe ngʼar kendo ma nengone tek, kendo noole duto e wiye sa ma nobet kochiemo e mesa.

Mathayo 26:9

Donge morni ne inyalo loke pesa e nengo mamalo mondo omi jodhier pesago.”

Mariko 14:4

Moko kuom joma ne ni kanyo nyiego nomako mi gikuotho e kindgi giwegi niya, “Morni iketho malit kayiem nangʼo?