Mathayo 24:42 - Motingʼo Loko Manyien

⁴² “Omiyo ritreuru nikech ok ungʼeyo chiengʼ ma Ruodhu nobie.

MUMA MALER 2015

⁴² Kuom mano, beduru motang’, nikech ok ung’eyo chieng’ ma Ruodhu biroe.

Mathayo 24:42 ပူးပေါင်းရင်းမြစ်များ

Mathayo 24:36

“Onge ngʼato mongʼeyo odiechiengno kata sa, obed malaike manie polo kata Wuowi, makmana Wuoro kende.

Mathayo 24:43

To ngʼeuru ma maber ni ka dine wuon ot ngʼe ni kar sa adi mar otieno ma jakuo biroe, dine osiko korito, kendo dine ok oweyo ode otur gi jakuo.

Mathayo 24:44

Kamano bende e kaka un bende onego ubed moikore, nikech Wuod Dhano biro biro sa ma ok ungʼeyo.

Mathayo 25:10

“To kane oyudo gin e yo gidhi ngʼiewo mafuta, wuon kisera nochopo. Nyiri mane oikore nodonjo kode e nyasi mar arus; kendo nolor dhoot.

Mathayo 25:13

“Emomiyo beduru motangʼ, nikech ok ungʼeyo odiechiengʼ kata sa.

Luka 21:34

“Beduru motangʼ, nono chunyu biro bedo monyosore gi pek, mer kod parruok mar ngima to ndalono nochopnu apoya kaka obadho.

Luka 21:36

Beduru kurito kinde duto, kendo lemuru mondo utony ne gigo duto mabiro timore, kendo mondo uchungʼ e nyim Wuod Dhano.”

Jo-Rumi 13:11

To timuru kamano ka uwinjo tiend gik matimore ndalogi. Sa osechopo mondo uchiew ua e nindo maru, nikech warruok marwa koro okayo machiegni moloyo chiengʼ mane wayie mokwongo.

1 Jo-Korintho 16:13

Beduru motangʼ, kendo chunguru motegno e yie maru, bende beduru jochir kendo motegno.

1 Jo-Thesalonika 5:6

Kuom mano, kik wachal gi ji mamoko ma nindo, to wabeduru motangʼ ka wan gi ritruok.

1 Petro 4:7

Giko gik moko duto chiegni. Emomiyo beduru gi paro maler kendo ritreuru mondo ulam.

1 Petro 5:8

Beduru motangʼ ka ungʼeyo ni jasiku, ma en Satan, bayo kuonde duto mana ka sibuor maruto, komanyo ngʼama dongam.

Fweny 16:15

“Neuru! Abiro apoya mana kaka jakuo! Ngʼatno en ngʼat mogwedhi ma nonwangʼ kaneno kendo ma orwako lepe mondo wiye kik kuodi ka oyude duk.”