Mathayo 22:46 - Motingʼo Loko Manyien

⁴⁶ To onge ngʼato kata achiel mane nyalo dwoke kata wach achiel, kendo chakre chiengʼno kadhi nyime, onge ngʼato kata achiel manohedhore penje penjo moro kendo.

MUMA MALER 2015

⁴⁶ Onge ng’ama ne nyalo dwoke kata wach achiel, to bende, chakre chieng’no, onge ng’ama nohedhore penje wach moro kendo.

Mathayo 22:46 ပူးပေါင်းရင်းမြစ်များ

Mathayo 21:27

Omiyo negidwoko Yesu niya, “Ok wangʼeyo.” Eka nowachonegi niya, “An bende ok abi nyisou kuma agole teko ma atimogo gigi.

Mathayo 22:45

Koro ka Daudi ema luonge ni, ‘Ruoth’ to ere kaka onyalo bedo Wuode kendo?”

Mariko 12:34

Kane Yesu oneno ni ngʼatno odwoke gi rieko, nowachone niya, “Ok in mabor gi pinyruoth Nyasaye.” Chakre kanyo onge ngʼato kata achiel manohedhore penje penjo moro kendo.

Luka 13:17

Kane owacho mani, jogo duto mane kwede wigi nokuot. To ji mamoko nomor kod gik moko duto miwuoro mane otimo.

Luka 14:4

To negilingʼ thi. Eka nokawo ngʼatno, nochange kendo noweye odhi.

Luka 14:6

To ne gionge gima digiwachi.

Luka 20:40

Omiyo onge ngʼato kata achiel manohedhore penje penjo moro kendo.

Tich Joote 4:14

To nikech ne pod gineno ka ngʼat mane osechangi ochungʼ e diergi kanyo, onge gima neginyalo wacho mondo gikwed gima nosetimoreno.

Tich Joote 7:32

‘An e Nyasach kwereni; ma Nyasach Ibrahim gi Isaka kod Jakobo.’ Omiyo Musa notetni ka luoro omake, kendo ne ok ohedhore ngʼiyo bunguno kendo.